ന്യൂഡൽഹി :പ്രണയദിനത്തിൽ പുതിയ ഉത്തരവുമായി
കേന്ദ്ര മൃഗസംരക്ഷണ വകുപ്പ്. പ്രണയദിനം 'കൗ ഹഗ് ഡേ' ആയി ആചരിക്കണമെന്നാണ് കേന്ദ്രത്തിന്റെ പുതിയ ഉത്തരവ്.

പശുസംസ്കാരത്തിന്റെയും ഗ്രാമീണ സമ്പദ് വ്യവസ്ഥയുടെയും നട്ടെല്ലാണ് പറഞ്ഞാണ് കേന്ദ്ര മൃഗസംരക്ഷണ വകുപ്പ് ഈ
ഉത്തരവിറക്കിയത്.

'ഇത്തരമൊരു നീക്കത്തിന്റെ ലക്ഷ്യം ജനങ്ങൾക്കിടയിൽ മൃഗങ്ങളോടുള്ള സ്നേഹം വളർത്തുക എന്നതാണ്. പൊതുജനം പശുവിന്റെ ഗുണങ്ങൾ അറിയുന്നത് പ്രോത്സാഹിപ്പിക്കണം. പാശ്ചാത്യ സംസ്കാരത്തിന്റെ സ്വാധീനത്തിൽ ജനങ്ങൾ പതിയെ നമ്മുടെ സംസ്കാരത്തിൽ നിന്ന് അകലുകയാണ്. യോഗാ ഡേ ആചരിക്കുന്നത് പോലെ കൗ ഹഗ് ഡേയും ആചരിക്കാൻ ആഹ്വാനം ചെയ്യുകയാണ് മൃഗ സംരക്ഷണ വകുപ്പ് - അനിമൽ വെൽഫെയർ ബോർഡ് ലീഗൽ അഡ്വൈസർ ബിക്രം ചന്ദ്രവർഷി പറഞ്ഞു.

ഇന്ത്യയുടെ സംസ്കാരത്തിന്റെ നെട്ടെല്ലാണ് പശു, അമ്മയെ പോലെ നമ്മെ പരിപാലിക്കുന്നതിനാൽ പശുവിനെ 'കാമധേനു', 'ഗോമാത' എന്നിങ്ങനെയാണ് വിളിക്കുന്നതെന്നും കേന്ദ്ര വകുപ്പ് വ്യക്തമാക്കി.