കുവൈത്ത്- കുവൈത്ത് കേരള ഇസ്ലാഹീ സെന്റർ കേന്ദ്ര അസിസ്റ്റന്റ് സെക്രട്ടറി മലപ്പുറം കാളികാവ് സ്വദേശി മുഹമ്മദ് അൻവർ കാളികാവിന്റെ മകൻ റാഷിദ് അൻവർ (27) കുവൈത്തിൽ നിര്യാതനായി. പക്ഷാഘാതം വന്നതിനെ തുടർന്ന് ആശുപത്രിയിൽ ചികിത്സയിലായിരുന്നു.

രാത്രി ഉപ്പയുടെ കൂടെ കിടന്നുറങ്ങിയ റാഷിദ് അൻവറിന് ഉറക്കത്തിൽ സ്ട്രോക്ക് സംഭവിക്കുകയായിരുന്നു. തുടർന്ന് അദാൻ ഹോസ്പിറ്റലിൽ ചികിൽസയിൽ ആയിരുന്നു. കെ.ഒ.സിയിൽ എൻജിനീയറായി ജോലി ചെയ്യുകയായിരുന്നു. കുവൈത്ത് കേരള ഇസ്ലാഹി സെന്റർ മഹബൂല യൂനിറ്റ് റിലീഫ് സെക്രട്ടറിയും സജീവ പ്രവർത്തകാനുമായിരുന്നു. മുജാഹിദ് നേതാവ് പി എൻ അബ്ദുല്ലത്തീഫ് മദനിയുടെ ഭാര്യാ സഹോദരിയുടെ മകളുടെ മകനാണ്. മാതാവ്: പി.പി. റസീന. ഭാര്യ: ജൽവ അബ്ദുൽ വഹാബ്. മകൻ: ഹൈസിൻ ആദം. സഹോദരങ്ങൾ: ഹന, ഹനുന. മയ്യിത്ത് കുവൈത്തിൽ ഖബറടക്കും.