കണ്ണൂർ: കണ്ണൂർ പയ്യാമ്പലം തീരത്ത് തിരയിൽ പെട്ട് മൂന്ന് യുവാക്കൾ മരിച്ചു. കർണാടക സ്വദേശികളാണ് അപകടത്തിൽ പെട്ടത്.ബെംഗളൂരുവിലെ മെഡിക്കൽ കോളേജ് വിദ്യാർത്ഥികളായ അഫ്‌നാൻ, റഹാനുദ്ദീൻ, അഫ്രാസ് എന്നിവരാണ് മരിച്ചത്. ബീച്ചിൽ കുളിക്കുന്നതിനിടെ വിദ്യാർത്ഥികൾ തിരയിൽ പെടുകയായിരുന്നു ബാംഗ്ലൂരിൽ നിന്നുള്ള ഡോക്ടർമാരടങ്ങിയ എട്ടംഗ സംഘമാണ് 12 മണിയോടെ കുളിക്കാനെത്തിയത്.

കുളിക്കുന്നതിനിടെ മൂന്നുപേർ തിരയിൽ പെടുകയായിരുന്നു. അപകടമേഖലയായിരുന്നിട്ട് പോലും ജാഗ്രത കൂടാതെ കടലിലിറങ്ങിയതിനാലാണ് അപകടമുണ്ടായതെന്നാണ് പ്രാഥമിക വിവരം.

തുടർന്ന് നടത്തിയ തെരച്ചിലിൽ രണ്ട് പേരെ കരക്കടുപ്പിച്ചെങ്കിലും മരണപ്പെട്ടിരുന്നു. മൂന്നാമത്തയാളുടെ മൃതദേഹം തിരച്ചലിനിടെ കണ്ടെത്തുകയായിരുന്നു . അപകടങ്ങൾ പതിവായ മേഖലയിലാണ് ഇവർ കുളിക്കാനിറങ്ങിയത്. അപകട സാധ്യത മുൻനിർത്തി കടലിലിറങ്ങരുതെന്ന മുന്നറിയിപ്പിനെ അവഗണിച്ചെന്ന് നാട്ടുകാർ പറഞ്ഞു.