ചമൽ: മലയാള സാഹിത്യ തപോവനത്തിലെ വട വൃക്ഷമായ വൈക്കം മുഹമ്മദ് ബഷീറിനെ ചമൽ ജി എൽ പി സ്കൂളിലെ കുരുന്നുകൾ ആദരിച്ചു. ബഷീറിന്റെ പുസ്തകങ്ങൾ വൃക്ഷക്കൊമ്പിൽ തൂക്കിയിട്ട് വായിക്കുമെന്ന് അവർ ശപഥം ചെയ്തു. വായനദിനത്തിൽ ആരംഭിച്ച വായന പക്ഷാചരണത്തിന് സമാപനം കുറിച്ച് വൈവിധ്യമാർന്ന പരിപാടികൾക്ക് വിദ്യാലയം സാക്ഷിയായി. അമ്മയും കുഞ്ഞും ഒന്നിച്ചിരുന്ന് വായനാ മത്സരത്തിൽ പങ്കാളികളായി. പുസ്തക പ്രദർശനം, വായനോത്സവം എന്നിവയും നടന്നു.താമരശ്ശേരി ഉപജില്ലാ വിദ്യാഭ്യാസ ഓഫീസറും പ്രമുഖ നാടക പ്രവർത്തകനുമായ വിനോദ്.പി ബഷീറിന്റെ സർഗ്ഗ വൃക്ഷത്തണലിൽ കുട്ടികൾക്ക് കൂട്ടിരിക്കാനെത്തി.
ഹെഡ്മാസ്റ്റർ ബഷീർ കൈപ്പാട്ട്, അധ്യാപകരായ
ശ്രീജ.എം.നായർ. അബ്ദുറഹ്മാൻ.ടി.കെ.,ധന്യ ഒപി., ശ്യാമിലി, അതുല്യ, ഷറീന
പ്രവർത്തനങ്ങൾക്ക് നേതൃത്വം നൽകി.