സൗദി :സൗദി അറേബ്യയിലെ റിയാദിൽ കൊല്ലം സ്വദേശിയായ യുവാവിനെയും ഭാര്യയെയും മരിച്ചനിലയിൽ കണ്ടെത്തി.കൊല്ലം തൃക്കരുവ നടുവിലച്ചേരി മംഗലത്തുവീട്ടിൽ അനൂപ് മോഹൻ, ഭാര്യ രമ്യമോൾ(28) എന്നിവരാണ് മരിച്ചത്. ഭാര്യയെ കൊലപ്പെടുത്തി അനൂപ് ആത്മഹത്യചെയ്തെന്നാണ് സൂചന.

ദമ്പതിമാർക്കൊപ്പമുണ്ടായിരുന്ന അഞ്ചുവയസ്സുള്ള മകൾ ആരാധ്യ രക്ഷപ്പെട്ടതായും കുട്ടി നിലവിൽ ഇന്ത്യൻ എംബസിയിലാണെന്നും നാട്ടിൽ വിവരം ലഭിച്ചിട്ടുണ്ട്.

രണ്ടുദിവസം മുൻപാണ് അനൂപ് ഭാര്യയെ കൊലപ്പെടുത്തിയതെന്നാണ് പ്രാഥമികവിവരം. തുടർന്ന് മകൾക്കൊപ്പം താമസിച്ചുവരികയായിരുന്നുഎന്നാൽ, അമ്മയെ കൊലപ്പെടുത്തിയ വിവരം മകൾ അയൽവാസികളെ അറിയിച്ചതോടെ അനൂപും ജീവനൊടുക്കിയെന്നാണ് നിലവിൽ ലഭിച്ചവിവരം.

തൃക്കരുവ സ്വദേശിയായ അനൂപ് മോഹൻ വർഷങ്ങളായി റിയാദിൽ പെയിന്റിങ് വർക്ക്ഷോപ്പ് നടത്തിവരികയാണ്.