ആലപ്പുഴ :ഭർത്താവിന്റെ വെട്ടേറ്റ യുവതിയെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. തുമ്പോളി വികസനം പടിഞ്ഞാറ് ആറാട്ടുകുളങ്ങര വീട്ടിൽ ടിന്റുവിന്റെ ഭാര്യ മിനിമോൾ(29)ക്കാണ് വെട്ടേറ്റത്.ബുധനാഴ്‌ച രാത്രി ഒൻപതരയോടെയാണ് സംഭവം. വെട്ടേറ്റ മിനിമോൾ അയൽവീട്ടിലേക്ക് നിലവിളിച്ചുകൊണ്ട് ഓടിയെത്തി. എന്നാൽ, പിന്നാലെയെത്തിയ ടിന്റു അയൽവീട്ടിലെത്തി വീണ്ടും വെട്ടിപ്പരിക്കേൽപ്പിക്കുകയായിരുന്നു.

തലയ്ക്കും കൈകാലുകൾക്കും മുതുകിനും വെട്ടേറ്റ മിനിമോളെ നാട്ടുകാർ വണ്ടാനം മെഡിക്കൽ കോളേജ് ആശുപത്രിയിൽ എത്തിച്ചു.ആക്രമണത്തിനുശേഷം ടിന്റു ബൈക്കിൽ കടന്നതായി പോലീസ് പറഞ്ഞു. ഇതിനുമുൻപ് കൊല്ലത്തു താമസിക്കുമ്പോഴും മിനിമോൾക്കു നേരേ ആക്രമണം ഉണ്ടായിട്ടുണ്ട്.