കോഴിക്കോട്: സർക്കാർ സർവീസിൽ നിന്നും വിരമിച്ച പങ്കാളിത്ത പെൻഷൻ ജീവനക്കാർക്ക് തുച്ഛമായ ആന്വിറ്റിയാണ് ലഭിക്കുന്നത്. 150 രൂപ മുതൽ 1600 രൂപ വരെ മാസം ലഭിക്കുന്ന വരും, ഒരു രൂപ പോലും ലഭിക്കാത്തവരുമുണ്ട്. ഇവർക്ക് ഇപ്പോൾ ലഭിക്കുന്ന ഈ തുക മാത്രമേ എത്ര വർഷം ജീവിച്ചിരുന്നാലും ലഭിക്കുകയുള്ളൂ എന്നതും ഖേദകരമാണ്.

ഇവർക്ക് കൈത്താങ്ങായി ഈ ഓണ കാലത്ത് പങ്കാളിത്ത പെൻഷൻ ജീവനക്കാരുടെ സംഘടന എസ് എൻ പി എസ് സി കെ കോഴിക്കോട് സിവിൽ സ്റ്റേഷനിൽ കോഴിക്കോട് ജില്ലയിലെ വിരമിച്ച ജീവനക്കാരുടെ സദസ്സിൽ വെച്ച് സംസ്ഥാന വൈസ് പ്രസിഡൻറ് വിജേഷ് ഇ വി വിരമിച്ച ജീവനക്കാരുടെ സംഘടന റിട്ടയർ എൻപിഎസ് ഫോറം സംസ്ഥാന പ്രസിഡണ്ട് ശശിധരന് കിറ്റ് നൽകിക്കൊണ്ട് ഉദ്ഘാടനം നിർവഹിച്ചു.

SNPSECK കോഴിക്കോട് ജില്ലാ കമ്മിറ്റി സംഘടിപ്പിച്ച ചടങ്ങിൽ ജില്ലാ സെക്രട്ടറി പ്രജിത്ത് കുമാർ സ്വാഗതവും ജില്ലാ പ്രസിഡണ്ട് ഹരീഷ് അധ്യക്ഷതയും വഹിച്ചു. പങ്കാളിത്ത പെൻഷന്റെ ദോഷവശങ്ങൾ പങ്കുവെച്ചുകൊണ്ട് പൊന്നുമണി കെ കെ, ഫസൽ മാസ്റ്റർ,റഹീസ് പി കെ, സുജിത്ത്,ഗീത എന്നിവർ സംസാരിച്ചു ജില്ലാ ട്രഷറർ നീരജ നന്ദി രേഖപ്പെടുത്തി.