തിരുവമ്പാടി: കേന്ദ്ര പരിസ്ഥിതി മന്ത്രാലയം പുറത്തിറക്കിയ ആറാമത് കരട് വിജ്ഞാപനത്തെ സംബന്ധിച്ച പരാതികൾ നൽകേണ്ട അവസാന തിയ്യതി സെപ്തംബർ 28-ന് അവസാനിക്കുന്ന സാഹചര്യത്തിൽ സംസ്ഥാന പരിസ്ഥിതി വകുപ്പ് കൈകാര്യം ചെയ്യുന്ന മുഖ്യമന്ത്രി ഇടപെട്ട് കരട് രേഖയിൽ ഉൾപ്പെട്ട ജനവാസ മേഖലയെ പൂർണ്ണമായി ഒഴിവാക്കി വനമേഖലയെ മാത്രം ഇഎസ്എ പരിധിയിൽ ഉൾപ്പെടുത്തി ജനങ്ങളുടെ ആകാംക്ഷ പരിഹരിക്കണമെന്ന് തിരുവമ്പാടി നിയോജക മണ്ഡലം യൂത്ത് ഫ്രണ്ട് (എം) കമ്മിറ്റി ആവശ്യപ്പെട്ടു.
ജനറൽ സെക്രട്ടറി നിതിൻ പുലക്കുടിയുടെ അധ്യക്ഷതയിൽ ചേർന്ന യോഗം പാർട്ടി ജില്ലാ പ്രസിഡണ്ട് ടി.എം. ജോസഫ് ഉത്ഘാടനം ചെയ്തു. നിയോജക മണ്ഡലം പ്രസിഡണ്ട്
മാത്യു ചെമ്പോട്ടിക്കൽ, യൂത്ത് ഫ്രണ്ട് വർക്കിംഗ് പ്രസിഡണ്ട് ജോസഫ് ജോൺ, ജിയോ ഇണ്ടിക്കുഴ, റോജൻ പെരുമന, മാർട്ടിൻ യേശുദാസ്, അനേക് തോണിപ്പാറ, സ്റ്റീവ് സെബാസ്റ്റ്യൻ, ജിതിൻ ചാഞ്ഞ പ്ലാക്കൽ, ഗ്ലാഡ് വിൻ സ്റ്റാൻലി, സോളമൻ സെബാസ്റ്റ്യൻ, അമൽ മൈക്കിൾ, ബർണാഡ് കീരമ്പനാൽ എന്നിവർ പ്രസംഗിച്ചു.