സൗദിഅറേബ്യ:ജിദ്ദ ഇന്റർനാഷണൽ മാർക്കറ്റില് വന് തീപിടുത്തം. ഇന്ന് (ഞായർ) പുലർച്ചെയാണ് തീപിടിത്തമുണ്ടായത്.
തീയണക്കാനുള്ള ശ്രമങ്ങൾ തുടരുകയാണ്.
ജിദ്ദയിലെ പ്രശസ്തമായ വാണിജ്യ കേന്ദ്രങ്ങളിലൊന്നാണ് ജിദ്ദ ഇന്റർനാഷണൽ മാർക്കറ്റ്. മലയാളികളടക്കം നിരവധി പേർ ഇവിടെ ജോലി ചെയ്യുന്നുണ്ട്.
തീ അണയ്ക്കാനുള്ള പ്രവർത്തനങ്ങൾ ഇപ്പോഴും തുടരുകയാണെന്ന് ജനറൽ ഡയറക്ടറേറ്റ് ഓഫ് സിവിൽ ഡിഫൻസ് അറിയിച്ചു.തീ പിടിത്തത്തിന്റെ നിരവധി വീഡിയോ സോഷ്യൽ മീഡിയയിൽ പ്രചരിച്ചു. തൊട്ടടുത്തുള്ള മെരിഡിയൻ ഹോട്ടലിലേക്ക് തീ പടരാതെ നിയന്ത്രിക്കാൻ സിവിൽ ഡിഫൻസിന് കഴിഞ്ഞു.മലയാളികളുടെ ഉടമസ്ഥതിയിലുള്ള നിരവധി സ്ഥാപനങ്ങള് സൂക്കിനകത്തുണ്ട്.തീപിടുത്തത്തിന്റെ കാരണം വ്യക്തമല്ല.