താമരശ്ശേരി:വീൽ ചെയർ റൈറ്റ്സ് ഓർഗനൈസേഷന്റെ അഭിമുഖ്യത്തിൽ കുട, പേപ്പർ പേന, ഗുളിക കവർ എന്നിവയുടെ നിർമ്മാണ പരിശീലന ക്യാമ്പ് സംഘടിപ്പിച്ചു. അതിജീവനം എന്ന പേരിൽ ഉൽപന്നങ്ങൾ നിർമ്മിച്ച് സോഷ്യൽ വെൽഫെയർ സൊസൈറ്റിയുടെ സഹകരണത്തോടെ അത് വിപണിയിൽ എത്തിക്കാനും, അതുവഴി ഭിന്ന ശേഷിക്കാരെ സ്വയം പര്യാപ്തരാക്കുകയുമാണ് ലക്ഷ്യം. താമരശ്ശേരി കോൺവെന്റ് സ്കൂളിൽ നടന്ന പരിപാടി താമരശ്ശേരി ഗവ: ഹൈസ്കൂൾ പ്രധാന അധ്യാപകൻ ബഷീർ മാസ്റ്റർ ഉദ്ഘാടനം ചെയ്തു. WRO ജനറൽ സെക്രട്ടറി സന്തോഷ് വലിയ പറമ്പ്, അഡ്വ: TPA നസീർ , ഉസ്മാൻ പി ചെമ്പ്ര തുടങ്ങിയവർ സംസാരിച്ചു. ഇന്ദു.പി, ജഗദീഷ് ചന്ദ്രൻ, വരുൺ കുമാർ എന്നിവർ പരിശീലനത്തിന് നേത്യത്വം നൽകി.