കോഴിക്കോട്: കാർ നിയന്ത്രണം വിട്ട് റോഡരികിൽ നിർത്തിയിട്ടിരുന്ന സ്‌കൂട്ടറുകളിൽ ഇടിച്ച് അപകടം . മൂന്ന് പേർക്ക് പരിക്കേറ്റു.ഇന്നലെ വൈകീട്ട് അഞ്ചോടെയാണ് അപകടം നടന്നത്. പയ്യാനക്കൽ സ്വദേശിനി ഫാത്തിമ സുഹറ, ചെലവൂർ കടയാട്ടുപറമ്പ് അലിമ സൻഹ, അബ്ദു ലത്തീഫ് മൂഴിക്കൽ എന്നിവർക്കാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

ആരുടെയും പരിക്ക് സാരമുള്ളതല്ല. കുന്നമംഗലം ഭാഗത്ത് നിന്ന് അമിത വേഗതയിലെത്തിയ കാർ മൂഴിക്കൽ ടൗണിന് സമീപം സർവീസ് സ്റ്റേഷനടുത്ത് റോഡരികിൽ നിർത്തിയിട്ട നാല് സ്‌കൂട്ടറുകളിൽ ഇടിക്കുകയായിരുന്നു.

ഇടിയുടെ ആഘാതത്തിൽ മൂന്ന് പേരും താഴ്ചയിലേക്ക് വീണു. കാർ ഇവരുടെ മുകളിലായി പാതിഭാഗം തൂങ്ങി നിൽക്കുന്ന അവസ്ഥയിലായിരുന്നു.

ജോലി കഴിഞ്ഞ് മടങ്ങുകയായിരുന്ന വെള്ളിമാട്കുന്ന് അഗ്നിരക്ഷാ നിലയത്തിലെ ഉദ്യോഗസ്ഥൻ ഷജിൽ കുമാറിന്റെയും നാട്ടുകാരുടെയും അവസരോചിതമായ ഇടപെടലിലൂടെയാണ് വൻ ദുരന്തം ഒഴിവായത്.കാറിൽ നെല്ലിക്കാപറമ്പ് സ്വദേശികളായ മൂന്ന് പേരാണ് ഉണ്ടായിരുന്നത്. പെട്ടെന്ന് തന്നെ കയർ കൊണ്ടുവന്ന് കാറിൻ്റെ പിൻഭാഗത്ത് കെട്ടി താങ്ങി നിർത്തി. താഴ്‌ചയിൽ ഇറങ്ങിയ ഷജിൽ നാട്ടുകാരുടെ സഹായത്തോടെ പരിക്കേറ്റവരെ മുകളിലേക്ക് കയറ്റുകയായിരുന്നു.

അഗ്നിരക്ഷാ നിലയത്തിൽ നിന്ന് അസിസ്റ്റന്റ് സ്റ്റേഷൻ ഓഫീസർ ഇസി നന്ദകുമാർ, സീനിയർ ഫയർ ആന്റ് റസ്ക്യൂ ഓഫീസർ നൗഷാദ്, ഫയർ ആന്റ് റസ്ക്യൂ ഓഫീസർമാരായ കെപി ബാലൻ, ജിതിൻ ബാബു, ചെസിൻ ചന്ദ്രൻ, എപി ജിതേഷ്, കെപി സതീഷ്, കെടി നിഖിൽ, മുഹമ്മദ് ഷഹദ്, ഹോംഗാർഡ് കുട്ടപ്പൻ എന്നിവരും രക്ഷാപ്രവർത്തനത്തിൽ പങ്കെടുത