കോഴിക്കോട്: കോഴിക്കോട് നഗരത്തിലെ വിദ്യാഭ്യാസ സ്ഥാപനങ്ങൾ കേന്ദ്രീകരിച്ചു വിദ്യാർത്ഥികൾക്കിടയിൽ മയക്കുമരുന്ന് വിൽപ്പന നടത്തുന്ന കണ്ണിയിലെ രണ്ടുയുവാക്കൾ പിടിയിൽ. ഈസ്റ്റ്ഹിൽ റോഡ് ഗവൺമെന്റ് സ്റ്റേഷനറി ഓഫീസിന് സമീപമുള്ള അപ്പാർട്ട്മെന്റ് മുൻവശത്ത് വെച്ച് 100.630 ഗ്രാം കഞ്ചാവുമായി കൂടത്തുംപൊയിൽ ചാലിയം കുളങ്ങര നിഹാൽ (20), കയ്യൊന്നിൽ താഴം പാലക്കൽ ഹൗസ് അഭിഷേക് (20) എന്നിവരാണ് നടക്കാവ് പോലീസിന്റെ പിടികൂടിയത്. ഇവരിൽ ഒരാൾ കോഴിക്കോട് ജില്ലയിലെ പോളി ടെക്നിക്ക് വിദ്യാർത്ഥിയാണ്.
വിദ്യാർത്ഥികൾക്കിടയിൽ മയക്കുമരുന്നുകൾ വിതരണം ചെയ്യുന്ന മാഫിയകൾ കോഴിക്കോട് കേന്ദ്രീകരിച്ചു പ്രവർത്തിക്കുന്നു എന്ന രഹസ്യ വിവരത്തെ തുടർന്ന് നടത്തിയ അന്വേഷണത്തിലാണ് പ്രതികൾ വലയിലായത്. നടക്കാവ് പോലീസ് സ്റ്റേഷനിലെ എസ്ഐമാരായ ബിനു മോഹൻ, ബാബു മമ്പാട്ടിൽ എസിപിഒമാരായ രജിത് ചന്ദ്രൻ, ദിപേഷ്, സിപിഒ ഡ്രൈവർ സാജിഖ് എന്നിവർ ചേർന്നാണ് പ്രതികളെ അറസ്റ്റ് ചെയ്തത്.