കൊടുവള്ളി :എം എൽ എ യുടെ അവഗണകെതിരെയും യു ഡി എഫ് ഭരിക്കുന്ന തദ്ദേശ ഭരണ സമിതികളുടെ നിഷ്ക്രീയത്വ ത്തിനെതിരെ നാഷണൽ ലീഗ് കൊടുവള്ളി മണ്ഡലം കമ്മിറ്റി യുടെ സമര ജ്വാല കട്ടിപ്പാറയിൽ സായാഹ്ന ധർണയോടെ തുടക്കം കുറിച്ചു. ധർണ നാഷണൽ ലീഗ് സംസ്ഥാന സെക്രട്ടറി ഒ പി ഐ കോയ ഉത്ഘാടനം ചെയ്തു.
നാഷണൽ ലീഗ് മണ്ഡലം ജനറൽ സെക്രട്ടറി ഒ പി റഷീദ് മുഖ്യ പ്രഭാഷണം നടത്തി കട്ടിപ്പാറ പഞ്ചായത്ത് നാഷണൽ ലീഗ് പ്രസിഡന്റ് ഒ കെ മുഹമ്മദ്‌ അദ്ധ്യക്ഷത വഹിച്ചു. ജനകീയ പ്രശ്നങ്ങളിൽ നിന്നും എം എൽ എ യും പഞ്ചായത്ത് ഭരണസമിതിയും ഒളിച്ചു കളി അവസാനിപ്പിക്കണമെന്നും വന്യ മൃഗങ്ങളിൽ നിന്നും ജനങ്ങളുടെ ജീവനും സ്വത്തിനും സംരക്ഷണം വേണമെന്നും നിർഭയം കർഷകർക്ക് കൃഷി ചെയ്യാനുള്ള സാഹചര്യം ഉണ്ടാവണമെന്നും വന്യമൃഗങ്ങളുടെ ആക്രമങ്ങൾക്ക് വിധേയമായവർക്ക് അടിയന്തിര സഹായം സമയബന്ധിതമായി നൽകണമെന്നും ഉത്ഘാടന പ്രസംഗത്തിൽ ലീഗ് സംസ്ഥാന സെക്രട്ടറി ഒ പി ഐ കോയ ആവശ്യപ്പെട്ടു. നിതീഷ് കല്ലുള്ളതോട്. ഇ സി മുഹമ്മദ്‌ പി സി തോമസ്. വഹാബ് മണ്ണിൽ കടവ്. എ കെ കുഞ്ഞി മരക്കാർ. സി പി നിസാർ. കെ വി സബാസ്ത്യൻ.അസീസ് തേവർമല.ഹൈദരലി കെ. തുടങ്ങിയവർ സംസാരിച്ചു ജുനൈർ കരിഞ്ചോല സ്വാഗതവും ഉസ്സൈൻ കുട്ടമ്പൂർ നന്ദിയും പറഞ്ഞു