കണ്ണൂർ :കണ്ണൂരിൽ മണൽ വാരുന്നതിനിടെ പോലീസിനെ കണ്ട് പേടിച്ച് പുഴയിൽ ചാടിയ യുവാവിന്റെ മൃതദേഹം കണ്ടെത്തി. തളിപ്പറമ്പ് കുറ്റേരി പുഴയിൽ നിന്നാണ് തിരുവട്ടൂർ സ്വദേശി ടി.കെ മെഹറൂഫിന്റെ മൃതദേഹം നാട്ടുകാർ കണ്ടെത്തിയത്. ഞായറാഴ്‌ച രാത്രിയിൽ മണൽവാരൽ പരിശോധനക്കെത്തിയ പൊലീസ് സംഘത്തെ കണ്ട് മെഹറൂഫും കൂട്ടാളികളും പുഴയിൽ ചാടിയിരുന്നു. മറ്റുള്ളവർ തിരിച്ച് കരയ്ക്ക് കയറിയെങ്കിലും മെഹറൂഫിനെ കാണാതായി. മൃതദേഹം ആശുപ്രതിയിലേക്ക് മാറ്റാനെത്തിയ പൊലീസിനെ നാട്ടുകാർ തടഞ്ഞു. യുവാവിനെ കാണാനില്ലെന്ന് കാട്ടി മെഹറൂഫ് ഓടിച്ചിരുന്ന ലോറിയുടെ ഉടമ ഇന്നലെ പരാതി നൽകിയിട്ടും അന്വേഷിച്ചില്ലെന്നാണ് ആരോപണം