പേരാമ്പ്ര: കല്ലോട് ബസ് സ്റ്റോപ്പിനടുത്ത് കെഎസ്ആർടിസി ബസ്സും ലോറിയും കൂട്ടിയിടിച്ച് അപകടം. കെഎസ്ആർടിസി ബസ് മിൽമ ലോറിയുടെ പുറകിലിടിച്ചാണ് അപകടമുണ്ടായത്.

തൊട്ടിൽ പാലത്തുനിന്ന് കോഴിക്കോടേക്ക് പോവുകയായിരുന്ന കെഎസ്ആർടിസി മലബാർ ബസ് അതേ ദിശയിൽ സഞ്ചരിക്കുകയായിരുന്ന മിൽമ പാൽ ഇറക്കിവരുന്ന കണ്ടെയ്ന‌ർ ലോറിയുടെ പുറകിൽ ഇടിക്കുകയായിരുന്നു.

കെഎസ്ആർടിസി യാത്രക്കാരായ നാലുപേർക്ക് പരിക്കേറ്റു. സരിത (30), സംഗീത (35), ബാലകൃഷ്‌ണൻ (60), സിന്ധു തോട്ടത്താങ്കണ്ടി എന്നിവക്കാണ് പരിക്കേറ്റത്. ഇവരെ പേരാമ്പ്ര താലൂക് ആശുപത്രിയിൽ പ്രവേശിപ്പിച്ചു.