പാലക്കാട് :വെണ്ണക്കരയിൽ സംഘർഷം . ഉപതെരഞ്ഞെടുപ്പ് നടക്കുന്ന പാലക്കാട് മണ്ഡലത്തിൽ ബൂത്തിൽ കയറി വോട്ട് ചോദിച്ചെന്ന് ആരോപിച്ച് യുഡിഎഫ് സ്ഥാനാർത്ഥി രാഹുൽ മാങ്കൂട്ടത്തിലിനെ തടഞ്ഞ് പ്രതിഷേധക്കാർ.വെണ്ണക്കരയിലെ പോളിംഗ് ബൂത്തിലാണ് രാഹുൽ മാങ്കൂട്ടത്തിലിനെ തടയാൻ ശ്രമമുണ്ടായത്.

യുഡിഎഫ് സ്ഥാനാർത്തി ബൂത്തിൽ കയറി വോട്ട് ചോദിച്ചെന്നാണ് എൽഡിഎഫ്, ബിജെപി പ്രവർത്തകർ ആരോപിക്കുന്നത്.

ഇരുപാർട്ടികളുടെയും പ്രവർത്തകർ ചേർന്നാണ് രാഹുലിനെ തടഞ്ഞത്. പിന്നാലെ ഉണ്ടായ വാക്കുത്തർക്കം സംഘർഷത്തിലേക്ക് നീങ്ങിയതോടെ പൊലീസ് ഇടപെട്ടു.സംഘർഷ സാധ്യത കണക്കിലെടുത്ത് സ്ഥലത്തേക്ക് കൂടുതൽ പൊലീസെത്തി. മറ്റ് സ്ഥാനാർത്ഥികളും എത്തുന്നുണ്ടല്ലോ എന്നാണ് രാഹുൽ മാങ്കൂട്ടത്തിൽ ചോദിക്കുന്നത്.