കൊച്ചി: കൊച്ചി കാക്കനാട് ആക്രിഗോഡൗണിന് തീപിടിച്ചു. കെന്നടിമുക്കിലാണ് സംഭവം. അഗ്നിശമനസേനയെത്തി തീ അണയ്ക്കാനുള്ള ശ്രമം തുടരുകയാണ്. മൂന്ന് ഫയർഫോഴ്സ് യൂണിറ്റ് സ്ഥലത്തെത്തി. പൊട്ടിത്തെറിയോട് കൂടിയാണ് തീപിടിത്തം ഉണ്ടായത്. എന്താണ് തീപിടിത്തത്തിന് കാരണമെന്ന് വ്യക്തമല്ല.

ഒരു ഇതരസംസ്ഥാന തൊഴിലാളി ഗോഡൗണിൽ ജോലിക്കെത്തിയിരുന്നു. വെൽഡിംഗ് പണിക്കിടെയുണ്ടായ തീപ്പൊരിയിൽ നിന്നാണ് തീ പടർന്നതെന്നാണ് പ്രദേശവാസികൾ പറയുന്നത്. ഞായറാഴ്‌ച ആയതിനാൽ കൂടുതൽ ജോലിക്കാർ ഉണ്ടായിരുന്നില്ല.

കൂടുതൽ ജോലിക്കാർ ഉണ്ടായിരുന്നില്ല. ജോലിയിൽ ഉണ്ടായിരുന്നയാളെ സുരക്ഷിത സ്ഥാനത്തേക്ക് മാറ്റി. ആളപായമില്ലാത്തത് ആശ്വാസമാണെന്നും പ്രദേശവാസികൾ പ്രതികരിച്ചു. ഇരുമ്പ്, ഇലക്ട്രോണിക്, പേപ്പർ അടക്കമുള്ള ആക്രി വസ്തുക്കൾ ഗോഡൗണിൽ ഉണ്ടായിരുന്നുവെന്ന് പ്രദേശവാസികൾ പറയുന്നു.