കോഴിക്കോട് :ഉണ്ണികുളം വീര്യമ്പ്രം സ്വദേശിയായ വിദ്യാർത്ഥിയെ കാണാതായതായി പരാതി.ഇന്നലെ വൈകീട്ട് മൂന്ന് മണി മുതലാണ് നിബ്രാസ് എന്ന പതിനേഴുകാരനായ വിദ്യാർത്ഥിയെ കാണാതായത്. ഇതുസംബന്ധിച്ച് ബന്ധുക്കൾ ബാലുശ്ശേരി പോലീസിൽ പരാതി നൽകിയിട്ടുണ്ട്.

നിബ്രാസിനെ വൈകീട്ട് നാലോടെ നരിക്കുനി ബസ് സ്റ്റാൻ്റ് പരിസരത്ത് ചിലർ കണ്ടിരുന്നുവെന്ന് മൊഴി നൽകിയിട്ടുണ്ട്.ഉപയോഗിച്ചിരുന്ന മൊബൈൽ ഫോൺ നരിക്കുനിയിലെ ഒരു കടയിൽ വിൽപന നടത്തിയതായി വിവരം ലഭിച്ചിട്ടുണ്ട്. കാണാതാകുമ്പോൾ മഞ്ഞ ടീ ഷർട്ടും നീല ജീൻസുമാണ് നിബ്രാസ് ധരിച്ചിരുന്നത്.

എന്തെങ്കിലും വിവരം ലഭിക്കുന്നവർ ബാലുശ്ശേരി പോലീസ് സ്റ്റേഷനിലോ 9526771175, 9562630849 നമ്പറുകളിലോ വിവരം അറിയിക്കണമെന്ന് അധികൃതർ അറിയിച്ചു.