മലപ്പുറം: മഞ്ചേരി മുള്ളമ്പാറയിലും പരിസര പ്രദേശങ്ങളിലും മോഷണം നടത്തിയെന്ന് സംശയിക്കപ്പെടുന്നയാളെ സംബന്ധിച്ച് വിവരം നൽകിയിട്ടും പൊലീസ് സ്ഥലത്തെത്താനോ കസ്റ്റഡിയിലെടുക്കാനോ തയാറാകാത്തതിൽ വ്യാപക പ്രതിഷേധം. പ്രദേശത്ത് വിവിധയിടങ്ങളിൽ തുടർച്ചയായ മോഷണങ്ങൾ നടന്നതിനെ തുടർന്ന് നാട്ടുകാർ സംഘടിച്ച് മോഷ്ടാവിനെ കണ്ടെത്താനായി ശ്രമങ്ങൾ ആരംഭിച്ചിരുന്നു.

വരിയാലിലെ ഒരു കെട്ടിടത്തിൽ കയറിയ മോഷ്ടാവിന്റെ ചിത്രം സിസിടിവിയിൽ പതിഞ്ഞിരുന്നു. ഇത് പരിശോധിച്ച നാട്ടുകാർക്ക് മോഷ്‌ടാവിനെ സംബന്ധിച്ച് ഏകദേശ ധാരണ ലഭിച്ചു. മുള്ളംമ്പാറയിലെ ലോഡ്‌ജിൽ താമസിച്ചു വരുന്ന വയനാട്സ്വദേശിയായ യുവാവ് ആയിരുന്നു അത്. മഞ്ചേരിയിലെ തുണിക്കടയിൽ ജോലി ചെയ്തുവരുന്ന ഇയാൾ സ്ഥലത്തില്ലെന്ന് കണ്ടെത്തിയ നാട്ടുകാർ സിസിടിവി ദൃശ്യങ്ങളും ലഭിച്ച വിവരങ്ങളും പൊലീസിന് കൈമാറി.

യുവാവിന്റെ പേരിൽ കാഞ്ഞങ്ങാട് ഉൾപ്പെടെയുള്ള സ്ഥലങ്ങളിൽ മോഷണക്കേസുകൾ നിലവിലുണ്ടെന്നും കണ്ടെത്തിയിരുന്നു. ഇതിനിടെയാണ് ഇന്നലെ പുലർച്ചെ മൂന്ന് മണിയ്ക്ക് പ്രതി റൂമിൽ എത്തിയതായി ലോഡ്ജ് ഉടമ നാട്ടുകാരെ അറിയിച്ചത്. ഉടൻ കൗൺസിലർ ടി.എം. നാസർ മഞ്ചേരി പൊലീസിൽ വിവരമറിയിച്ചപ്പോൾ നൈറ്റ് പട്രോളിംഗ് ടീമുമായി ബന്ധപ്പെടാൻ ആവശ്യപ്പെടുകയായിരുന്നു.

ഉടൻ നൈറ്റ് പട്രോളിംഗിന് നേത്യത്വം നൽകുന്ന എസ്ഐയോട് വിവരം പറഞ്ഞു. വരാമെന്ന് പറഞ്ഞെങ്കിലും പൊലീസ്കൗൺസിലർ ടി.എം. നാസർ മഞ്ചേരി പൊലീസിൽ വിവരമറിയിച്ചപ്പോൾ നൈറ്റ് പട്രോളിംഗ് ടീമുമായി ബന്ധപ്പെടാൻ ആവശ്യപ്പെടുകയായിരുന്നു.

ഉടൻ നൈറ്റ് പട്രോളിംഗിന് നേത്യത്വം നൽകുന്ന എസ്ഐയോട് വിവരം പറഞ്ഞു. വരാമെന്ന് പറഞ്ഞെങ്കിലും പൊലീസ് എത്തിയില്ല. വീണ്ടും ബന്ധപ്പെട്ടപ്പോൾ കേസിൽ എഫ്ഐആർ രജിസ്റ്റർ ചെയ്യാത്തതിനാൽ വരാനാകില്ലെന്ന മറുപടിയാണ് ലഭിച്ചത്. ദിവസങ്ങളായി ഒരു പ്രദേശത്തെ ഉറക്കം കെടുത്തുന്ന പ്രശ്നത്തിന് അറുതിയുണ്ടാക്കണമെന്ന ആവശ്യം ഉന്നയിച്ചിട്ടും പൊലീസ് ഗൗനിച്ചില്ലെന്ന് നാട്ടുകാർ പറഞ്ഞു