കരിപ്പൂർ:കരിപ്പൂർ വിമാനദുരന്തത്തിൽ തകർന്ന എയർ ഇന്ത്യ എക്‌സ്പ്രസിൻ്റെ ഭാഗങ്ങൾ ലോറിയിൽ ഡൽഹിയിലേക്ക് കൊണ്ടുപോയി. നാലു വർഷത്തിനുശേഷമാണ് ഭാഗങ്ങൾ മാറ്റുന്നത്. എയർഇന്ത്യയുടെ ഗുൽഗാമിലെ യാർഡിലേക്കാണ് വിമാനത്തിൻ തകർന്ന ഭാഗങ്ങൾ എത്തിക്കുന്നത്.

അതേസമയം ലോറിയിൽ എത്തിക്കാൻ കഴിയാത്ത ഭാഗങ്ങൾ എന്തുചെയ്യണമെന്ന കാര്യത്തിൽ പിന്നീട് തീരുമാനമെടുത്തേക്കും.2020 ആഗസ്റ്റ് ഏഴിനായിരുന്നു കരിപ്പൂർ വിമാനത്താവളത്തിൽ ദുരന്തമുണ്ടായത്. റൺവേയിൽ നിന്ന് തെന്നിമാറി 35 മീറ്ററോളം താഴ്ചയിലേക്ക് പതിക്കുകയായിരുന്നു. ദുരന്തത്തിൽ പൈലറ്റും സഹപൈലറ്റുമടക്കം 21 പേർ മരിച്ചിരുന്നു. 150ഓളം പേർക്ക് പരിക്കേൽക്കുകയും ചെയ്തിരുന്നു.

വിമാനത്തിന്റെ പ്രധാന ഭാഗങ്ങൾ മാത്രമാണ് റോഡ് മാർഗം കൊണ്ടുപോകുന്നത്. മറ്റുള്ളവ ലാൻഡ് അക്വിസിഷൻ ഓഫീസിനടുത്ത് തന്നെ സൂക്ഷിക്കും. എയർ ഇന്ത്യയുടെ യാഡിലെ അന്വേഷണ വിഭാഗത്തിലേക്കാണ് വിമാനഭാഗങ്ങൾ മാറ്റുന്നത്. ശേഷം ഏവിയേഷൻ വിദ്യാർഥികളുടെ പഠനത്തിനും യന്ത്രഭാഗങ്ങൾ ഉപയോഗിക്കും.