തിരുവമ്പാടി: പരിസ്ഥിതി ലോല പ്രദേശമായി പ്രഖ്യാപിച്ച തിരുവമ്പാടി പഞ്ചായത്തിൽ അനധികൃതമായി ക്വാറി തുടങ്ങുന്നതിനുള്ള ശ്രമവുമായി വന്നാൽ യൂത്ത് കോൺഗ്രസിൻ്റെ നേതൃത്വത്തിൽ പ്രത്യക്ഷ സമരപരിപാടിയുമായി എത്തുമെന്ന് യൂത്ത് കോൺഗ്രസ് തിരുവമ്പാടി നിയോജക മണ്ഡലം കമ്മിറ്റി മുന്നറിയിപ്പു നൽകി.
28/04/2025 തിങ്കളാഴ്ച്ച ചേർന്ന തിരുവമ്പാടി ഗ്രാമപഞ്ചായത്ത് ബോർഡ് യോഗത്തിൽ പഞ്ചായത്ത് പ്രസിഡന്റ് എടുത്ത തീരുമാനത്തിനെ നിയോജക മണ്ഡലം കമ്മറ്റി അഭിനന്ദിച്ചു. നിയോജക മണ്ഡലം പ്രസിഡന്റ് അഡ്വ: മുഹമ്മദ് ദിശാൽ ഉദ്ഘാടനം ചെയ്തു സംസാരിച്ചു.

നിയോജക മണ്ഡലം ജന:സെക്രട്ടറി ജിതിൻ പല്ലാട്ട് അദ്ധ്യക്ഷത വഹിച്ച യോഗത്തിൽ വൈസ് പ്രസിഡന്റ് നിഷാദ് വീച്ചി, ജന:സെക്രട്ടറിമാരായ മുൻദ്ധിർ ചേന്നമംഗല്ലൂർ, ജംഷിദ് ഒളകര , സെക്രട്ടറിമാരായ ലിബിൻ അമ്പാട്ട്, യു.സി അജ്മൽ, തിരുവമ്പാടി മണ്ഡലം പ്രസിഡന്റ് അമൽ ടി.ജെയിംസ്, ലിബിൻ ബെൻ തുറുവേലിൽ പ്രസംഗിച്ചു.