കോഴിക്കോട്:* കനത്ത മഴയിൽ കോഴിക്കോട് മാങ്കാവിൽ പഴയ ഇരുനില കെട്ടിടം തകർന്ന് വീണു. ശനിയാഴ്ച ഉച്ചയോടെ ആയിരുന്നു സംഭവം. ആളപായമില്ല. കെട്ടിടത്തിന്‍റെ സമീപത്തായി നിർത്തിയിട്ടിരുന്ന വാഹനങ്ങൾ ഭാഗികമായി കുടുങ്ങുകയും ചെയതു.

മാങ്കാവ് മഹാദ് മുജീബ് റഹ്മാൻ എന്നയാളുടെ ഉടമസ്ഥതയിലുളള അഞ്ച് മുറികളോട് കൂടിയ കെട്ടിടമാണ് തകർന്നത്. നാലു വർഷത്തോളമായി പൂട്ടിക്കിടക്കുന്ന കെട്ടിടമാണിത്. കാലപ്പഴക്കം ചെന്ന് ഉപയോഗശൂന്യമായ കെട്ടിടമാണ് മഴയിൽ തകർന്നത്.

കുടുങ്ങിക്കിടന്നിരുന്ന വാഹനങ്ങളില്‍ ഭൂരിഭാഗവും നാട്ടുകാര്‍ നീക്കി. രണ്ടു ഇരുചക്ര വാഹനങ്ങള്‍ ഫയര്‍ ഫോഴ്‌സും പുറത്തെടുത്തു.