ചമൽ: സുവർണ്ണ ജൂബിലിയുടെ നിറവിൽ നിൽക്കുന്ന ചമൽ നിർമല യു.പി. സ്കൂളിൽ ജൂബിലി ആഘോഷങ്ങളുടെ ഭാഗമായി വായനാദിനം വളരെ വിപുലമായി ആചരിച്ചു. വായന വാരാചരണത്തിന്റെ ഭാഗമായി സ്കൂളിൽ വിവിധ വായന സാഹിത്യ പരിപാടികൾ സംഘടിപ്പിച്ചു. സുവർണ്ണ ജൂബിലിയുടെ ഭാഗമായി വിദ്യാർത്ഥികളും അധ്യാപകരും ചേർന്ന് 50 വിജ്ഞാനപ്രദമായ പുസ്തകങ്ങൾ സ്കൂൾ ലൈബ്രറിയിലേക്ക് സംഭാവന നൽകി. വായന മനുഷ്യന്റെ ആന്തരിക വികസനത്തിനും ബൗദ്ധിക ഉണർവിനും വഴികാട്ടിയാകുന്ന അമൂല്യമായ ശീലമാണെന്ന സന്ദേശം ഈ പരിപാടിയിലൂടെ വിദ്യാർഥികൾക്ക് മനസ്സിലാക്കാൻ സാധിച്ചു.

കട്ടിപ്പാറ ഗ്രാമപഞ്ചായത്ത് നാലാം വാർഡ് മെമ്പർ ശ്രീ: അനിൽ ജോർജ് ചടങ്ങിന് അധ്യക്ഷത വഹിച്ചു. വായിച്ചുള്ള അറിവാണ് ഒരാളെ ജീവിതത്തിൽ വിജയിപ്പിക്കുന്ന ഏറ്റവും വലിയ ആയുധം എന്ന് ഉദ്ഘാടന പ്രസംഗത്തിൽ പി.കെ. മുരളി മാസ്റ്റർ പറഞ്ഞു.( മെമ്പർ ജില്ലാ ലൈബ്രറി കൗൺസിൽ) ശ്രീ:എൻ. ബി. കുഞ്ഞാലിക്കുട്ടി( ചമൽ പബ്ലിക് ലൈബ്രറി വൈസ് പ്രസിഡന്റ്) പി. എൻ. പണിക്കർ അനുസ്മരണ സന്ദേശം നൽകി. ശ്രീ: വിഷ്ണു ചുണ്ടൻകുഴി( താമരശ്ശേരി താലൂക്ക് ലൈബ്രറി കൗൺസിൽ വൈസ് പ്രസിഡന്റ്) ശ്രീ: ബേബി കുടിയിരിക്കൽ( ചമൽ പബ്ലിക് ലൈബ്രറി സെക്രട്ടറി ) തുടങ്ങിയവർ ചടങ്ങിന് ആശംസകൾ അർപ്പിച്ചു. പ്രധാനധ്യാപിക ശ്രീമതി: ജിസ്ന ജോസ് ചടങ്ങിന് സ്വാഗതം ആശംസിച്ചു. ചമൽ പബ്ലിക് ലൈബ്രറി എക്സിക്യൂട്ടീവ് അംഗം ഖാദർ മാസ്റ്റർ നന്ദി അർപ്പിച്ചു.