പുതുപ്പാടി:താമരശ്ശേരിയിലെ ഷഹബാസ് വധക്കേസ് പ്രതികളെ എംജിഎംല്‍ തുടര്‍ പഠനം അനുവധിക്കാനുള്ള മാനേജ്മെന്റിന്റെ നീക്കത്തിനെതിരെ ഇന്നും പ്രതിഷേധമിരമ്പി.
ഒമ്പത് മണിയേടെ ആദ്യം പ്രകടനവുമായി എത്തിയത് കെഎസ് യു ആയിരുന്നു.പ്രധാന കവാടത്തിലെത്തി ഗെെറ്റ് തള്ളിത്തുറക്കാന്‍ ശ്രമിച്ച വിദ്യാര്‍ത്ഥികളെ പോലീസ് തടഞ്ഞു.കെഎസ് യു ജില്ലസെക്രട്ടറി തനുദേവ് ഊടമ്പൊയിലിന്റെയും,മണ്ടലം സെക്രട്ടറി അമല്‍ രാജിന്റെയും നേതൃത്തത്തിലായിരുന്നു കെഎസ് യു സമരം.
പിന്നാലെ എംഎസ്എഫ് പുതുപ്പാടി പഞ്ചായത്ത് കമ്മറ്റിയുടെ നേതൃത്തത്തില്‍ ഈങ്ങാപ്പുഴയില്‍ നിന്ന് പ്രകടനമായി എത്തി പ്രധാന കവാടം ഉപരോധിച്ചു. തുടര്‍ന്ന് കവാടം തള്ളിത്തുറന്ന് അകത്തേക്ക് പ്രവേശിക്കാനുള്ള ശ്രമം പോലീസ് തടഞ്ഞു.പോലീസും പ്രവര്‍ത്തകരും പരസ്പരം ഉന്തും തള്ളുമുണ്ടായി.പോലീസ് ഇരു സംഘടനകളുടേയും നേതാക്കളുമായി സംസാരിച്ച് പ്രിന്‍സിപ്പാളുമായി കൂടിക്കാഴ്ചക്ക് അനുമതി നല്‍കി.
നേതാക്കള്‍ പ്രിന്‍സിപ്പള്‍ ഇന്‍ ചാര്‍ജ് മായി സംസാരിച്ചു. കുറ്റാരോപിതരായ വിദ്യാര്‍ത്ഥികളെ പഠിപ്പിക്കാന്‍ അനുവധിക്കരുത്,എത്രയും പെട്ടന്ന് പിടിഎ വിളിച്ചു ചേര്‍ത്ത് രക്ഷിതാക്കളുടെ അഭിപ്രായം ആരായണമെന്നും അതിന് ശേഷമെ വിദ്യാര്‍ത്ഥികളുടെ കാര്യത്തില്‍ തീരുമാനമെടുക്കാവൂ എന്നും അറിയിച്ചു.തുടര്‍ന്ന് കാക്കവയല്‍ റോഡ് ഉപരോധിച്ച വിദ്യാര്‍ത്ഥികളെ പോലീസ് ഇടപെട്ട് പിന്തിരിപ്പിച്ചു.എംഎസ് എഫ് സമരത്തിന് ഷുഹെെബ് മലപുറം,ഫുആദ് കെെതപ്പൊയില്‍,അസ്നില്‍ വെസ്റ്റ് കെെതപ്പൊയില്‍, യൂത്ത് ലീഗ് നേതാക്കളായ കെപി സുനീര്‍,നംഷിദ് പുതുപ്പാടി,കോണ്‍ഗ്രസ് നേതാവ് ബിജു താന്നിക്കാക്കുഴി തുടങ്ങിയവരും ചര്‍ച്ചയില്‍ പങ്കെടുത്തു
പിന്നാലെ യുവമോര്‍ച്ചയുടെ നേതൃത്തത്തില്‍ സ്കൂളിലേക്ക് പ്രകടനമായി എത്തി കവാടം ഉപരോധിച്ചു.ബിജെപി നേതാക്കളും സ്കൂള്‍ മാനേജ്മെന്റിന് നിവേദനം നല്‍കി. രക്ഷിതാക്കള്‍ സ്കൂളിന് മുന്നില്‍ ബഹളം വെച്ചു.പ്രതിഷേധിച്ച രക്ഷിതാക്കളെ പ്രിന്‍സിപ്പലുമായി സംസാരിക്കാന്‍ പോലീസ് അനുമതി നല്‍കി.വരും ദിവസങ്ങളിലും ശക്തമായ പ്രതിഷേധം ഉണ്ടാകുമെന്ന് രക്ഷിതാക്കള്‍ അറിയിച്ചു.പ്രതിഷേധം കണക്കിലെടുത്ത് താമരശ്ശേരി സിഐ സായൂജിന്റെ നേതൃത്തത്തില്‍ ശക്തമായ പോലീസ് കാവല്‍ ഏര്‍പ്പെടുത്തിയിരുന്നു.