എളേറ്റിൽ: വിദ്യാഭ്യാസം ലക്ഷ്യബോധമുള്ളതാവണമെന്ന് രാജ്യസഭാ എം.പി.അഡ്വ.ഹാരിസ് ബീരാൻ പറഞ്ഞു.ഗോൾഡൻ ഹിൽസ് ആർട്സ് ആൻ്റ് സയൻസ് കോളേജിൽ നിന്നും ഈ വർഷം വിവിധ വിഷയങ്ങളിൽ ബിരുദം കരസ്ഥമാക്കിയ വിദ്യാർത്ഥികൾക്കായി നടത്തിയ ബിരുദദാന ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.ഗോൾഡൻ ഹിൽസ് ട്രസ്റ്റ് ചെയർമാൻ എം.എ റസാഖ് മാസ്റ്റർ അദ്ധ്യക്ഷത വഹിച്ചു. വിദ്യാഭ്യാസം കരസ്ഥമാക്കുന്നതിലൂടെ ഭരണതലത്തിൻ്റെയും ഉദ്യോഗസ്ഥ വൃന്ദത്തിൻ്റെയും ഭാഗവാക്കാകുവാൻ വിദ്യാർഥികൾ പരിശ്രമിക്കണം.എന്നാൽ നയരൂപീകരണത്തിലും മറ്റും പങ്കാളികളാവാൻ സാധിക്കും.ഇത് ലക്ഷ്യമാക്കിയുള്ള ശ്രമങ്ങൾ വിദ്യാർത്ഥിയായിരിക്കെ തന്നെ ആരംഭിക്കണമെന്നും അദ്ദേഹം പറഞ്ഞു. പ്രിൻസിപ്പാൾ കെ. ഉസ്മാൻ കോയ മാസ്റ്റർ,മാനേജർ എം.മുഹമ്മദലി മാസ്റ്റർ,ആലി മാസ്റ്റർ, എം.എ. ഗഫൂർ മാസ്റ്റർ, സിദ്ധീഖ് മലബാറി , കെ. മുഹമ്മദലി, ഹാരിസ് പറക്കുന്ന്, അബീഷ് മിഹ്റാൻ, കരൂഞ്ഞി മുഹമ്മദ്, ജബ്ബാർ മാസ്റ്റർ, വൈസ് പ്രിൻസിപ്പാൾ പി.ചന്ദ്രൻ മാസ്റ്റർ, കെ.അഷ്റഫ് മാസ്റ്റർ, സലാം മാസ്റ്റർ, കെ.രാധാകൃഷ്ണൻ മാസ്റ്റർ, സൈനബ ഉള്ളേടത്ത് ,സി.കെ.ലക്ഷമണൻ, സ്റ്റാഫ് സെക്രട്ടറി പി.കെ. നംഷീദ് എന്നിവർ സംസാരിച്ചു.എം.പിക്കുള്ള ഉപഹാരം കോളേജ് മാനേജർ എം.മുഹമ്മദലി മാസ്റ്റർ കൈമാറി.