കുവൈത്ത് സിറ്റി വൃക്ക രോഗത്തെ തുടർന്നു കുവൈത്തിലെ അദാൻ ആശുപ്രതിയിൽ ചികിത്സയിലായിരുന്ന കാസർകോട് നീലേശ്വരം പള്ളിക്കര സ്വദേശിനി ഡോ. നിഖില പ്രഭാകരൻ (36) അന്തരിച്ചു. ജഹറയിലെ സ്വകാര്യ ആശുപ്രതിയിൽ ഡോക്ട‌റായിരുന്ന നിഖില അസുഖത്തെത്തുടർന്നു ജോലി രാജി വയ്ക്കുകയായിരുന്നു

ഫഹാഹീലിൽ വ്യാപാരിയായ പ്രഭാകരന്റെയും റീജയുടെയും മകളാണ്. ഭർത്താവ്: ഡോ. വിപിൻ (കുവൈത്ത് അൽ സലാം ഹോസ്പിറ്റൽ). മകൻ: വിവാൻ (ഗൾഫ് ഇന്ത്യൻ സ്കൂൾ അഞ്ചാം ക്ലാസ് വിദ്യാർഥി). സഹോദരി: വർഷ. സംസ്കാരം പിന്നീടു നാട്ടിൽ.