കോഴിക്കോട് : ഒട്ടേറെ മോഷണക്കേസുകളിലെ പ്രതിയെ ചേവായൂർ പോലീസ് പിടികൂടി. താമരശ്ശേരി കെടവൂർ സ്വദേശി തുവ്വക്കുന്നുമ്മൽ മുഹമ്മദ് ഫായിസിനെയാണ് (28)പിടികൂടിയത്.

താമരശ്ശേരി, കൂരാച്ചുണ്ട്, പന്തീരാങ്കാവ്, കസബ, ടൗൺ സ്റ്റേഷനുകളിലായി ഒട്ടേറേ മോഷണക്കേസുകളിൽ പ്രതിയാണ് ഫായിസ്. ജൂൺ 17-ന് മലാപ്പറമ്പ് ജംങ്ഷനു സമീപമുള്ള കെട്ടിടത്തിൽനിന്ന് മോഷണം നടത്തിയ കേസിലാണ് എരഞ്ഞിപ്പാലത്തുള്ള ലോഡ്ജിൽനിന്ന് ചേവായൂർ പോലീസ് എസ്‌ഐമാരായ നിമിൻ കെ. ദിവാകരൻ, രോഹിത്, മിജോ, സിപിഒമാരായ രാഗേഷ്, അശ്വതി, മഞ്ജുഷ എന്നിവർ പിടികൂടി.
പ്രതിയിൽനിന്ന്‌ മോഷണം നടത്തുന്നതിനാവശ്യമായ ആയുധങ്ങളും പോലീസ് കണ്ടെടുത്തു.
കോടതിയിൽ ഹാജരാക്കി റിമാൻഡ്‌ ചെയ്തു.