പുതുപ്പാടി:ഈങ്ങാപ്പുഴ പയോണയില്‍ ജീവകാരുണ്യ,വിദ്യഭ്യാസ മേഖലയില്‍ കഴിഞ്ഞ ഒന്നര പതിറ്റാണ്ടായി പ്രവര്‍ത്തീക്കുന്ന ദയ(Dedicated assambly of youth auxiliaries)യുടെ ആസ്ഥാന മന്ദിരം ഇന്ന് (ഞായര്‍ 22 06 2025) നാടിന് സമര്‍പ്പിക്കും.ഓഫീസ്,റീഡിംഗ് റൂം,ലെെബ്രറി,ദയകെയര്‍ എന്നീ വിപുലമായ സൗകര്യത്തോട് കൂടിയാണ് ആസ്ഥാന മന്ദിരം ഒരുങ്ങുന്നത്.

അവശത അനുഭവിക്കുന്നവര്‍ക്ക് സ്നേഹത്തിന്റെ കെെതാങ്ങ് എന്ന ആപ്തവാക്യം ഉയര്‍ത്തി പാവപ്പെട്ട രോഗികള്‍ക്കായി മെഡിക്കല്‍ ബെഡ്,സ്ട്രച്ചര്‍,വീല്‍ചെയര്‍,തുടങ്ങി എല്ലാ സജ്ജീകരണങ്ങളോടും കൂടിയാണ് ദയകെയര്‍ ഒരുങ്ങുന്നത്.

മഹല്ല് ഖാളി അബ്ദുല്‍ ബാരി ബാഖവിയുടെ അധ്യക്ഷതയില്‍ ഡോ അബ്ദുല്‍ ഹഖീം അസ്ഹരി ആസ്ഥാന മന്ദിരം ഉദ്ഘാടനം ചെയ്യും.തുടര്‍ന്ന് നടക്കുന്ന സ്നേഹ സംഗമത്തില്‍ എംഎല്‍എമാരായ ഡോ എംകെ മുനീര്‍,ലിന്റൊജോസഫ്,എം.പി.എസ് തങ്ങൾ മലപുറം,മുഹമ്മദ് ഹൈതമി വാവാട്,റവ. ഫാദർ ഫിനഹാസ് റമ്പാൻ, ഫാദർ ജിജോ കളപ്പുരക്കല്‍,സ്വാലിഹ് നിസാമി,ഇസ്മായിൽ കാമിൽ സഖാഫി റിപ്പണ്‍,
കിരൺ നമ്പൂതിരി,ഷിജു ഐസക്,പ്രേംജി ജയിംസ്,കെ.പി സുനീർ,ഡെന്നി വർഗ്ഗീസ്,കെ. മുഹമ്മദ് സീതി കബനി,വി.കെ മൊയ്തുഹാജി,പി.സി അബ്ദുല്ലക്കുട്ടിഹാജി,ഡോാ പി.എ റഫീഖ്,പിസി അബ്ദുൽ ജലീൽ,ബഷീർ മൊസ്താഫ് തുടങ്ങി മത രാഷ്ട്രീയ സാമൂഹിക രംഗത്തെ പ്രമുഖരും
സംബന്ധിക്കും.