നി​ല​മ്പൂ​ർ: വീ​റും വാ​ശി​യും നി​റ​ഞ്ഞ നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പിന്‍റെ വോട്ടെണ്ണൽ തുടങ്ങി. ചു​ങ്ക​ത്ത​റ മാ​ർ​ത്തോ​മാ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ രാ​വി​ലെ എ​ട്ടി​നാണ്​ വോ​ട്ടെ​ണ്ണ​ൽ ആ​രം​ഭി​ച്ചത്. ആ​ദ‍്യം പോ​സ്റ്റ​ൽ വോ​ട്ടു​ക​ളാ​ണ് എ​ണ്ണുന്നത്. സ​ർ​വി​സ് വോ​ട്ടു​ക​ൾ ഉ​ൾ​പ്പെ​ടെ 1402 പോ​സ്റ്റ​ൽ വോ​ട്ടു​ക​ളാ​ണു​ള്ള​ത്. ജി​ല്ല ഇ​ല​ക്ഷ​ൻ ക​ൺ​ട്രോ​ൾ റൂം, ​ക​മ‍്യൂ​ണി​ക്കേ​ഷ​ൻ ക​ൺ​ട്രോ​ൾ റൂം, ​മീ​ഡി​യ റൂം ​എ​ന്നി​വ​യി​ലൂ​ടെ ഫ​ല​സൂ​ച​ന പു​റ​ത്തു​വി​ടും.

പോ​സ്റ്റ​ൽ വോ​ട്ടു​ക​ൾ എ​ണ്ണു​ന്ന​തി​ന് നാ​ല് ടേ​ബി​ളു​ക​ളും ഇ.​ടി.​പി.​ബി.​എ​സ് പ്രീ ​കൗ​ണ്ടി​ങ്ങി​ന് ഒ​രു ടേ​ബി​ളും ക്ര​മീ​ക​രി​ച്ചി​ട്ടു​ണ്ട്. 14 ടേ​ബി​ളു​ക​ളി​ൽ ഇ​ല​ക്ട്രോ​ണി​ക് വോ​ട്ടി​ങ് മെ​ഷീ​നു​ക​ളി​ൽ രേ​ഖ​പ്പെ​ടു​ത്തി​യ വോ​ട്ടു​ക​ൾ എ​ണ്ണും. 263 പോ​ളി​ങ് ബൂ​ത്തു​ക​ളി​ലെ വോ​ട്ടു​ക​ൾ 19 റൗ​ണ്ടു​ക​ളി​ലാ​യാ​ണ് എ​ണ്ണു​ക. എ​ല്ലാ റൗ​ണ്ടു​ക​ളി​ലും വോ​ട്ടെ​ണ്ണി​ക്ക​ഴി​ഞ്ഞ​തി​നു ശേ​ഷം ന​റു​ക്കി​ട്ടെ​ടു​ത്ത അ​ഞ്ചു പോ​ളി​ങ് സ്റ്റേ​ഷ​നു​ക​ളി​ലെ വി​വി​പാ​റ്റ് സ്ലി​പ്പു​ക​ൾ വി​വി​പാ​റ്റ് കൗ​ണ്ടി​ങ് ബൂ​ത്തി​ൽ ഇ​ല​ക്ഷ​ൻ ക​മീ​ഷ​ൻ നി​രീ​ക്ഷ​ക​രു​ടെ സാ​ന്നി​ധ്യ​ത്തി​ൽ എ​ണ്ണി​ത്തി​ട്ട​പ്പെ​ടു​ത്തും.

8.15ഓ​ടെ ആ​ദ‍്യ​ഫ​ല സൂ​ച​ന​ക​ൾ പു​റ​ത്തു​വ​രും. വോ​ട്ടെ​ണ്ണ​ൽ കേ​ന്ദ്ര​ത്തി​ലേ​ക്ക് പൊ​തു​ജ​ന​ങ്ങ​ൾ​ക്ക് പ്ര​വേ​ശ​ന​മു​ണ്ടാ​കി​ല്ല. 2,32,057 വോ​ട്ട​ർ​മാ​രാ​ണ് മ​ണ്ഡ​ല​ത്തി​ലു​ള്ള​ത്. 1,76,069 വോ​ട്ടു​ക​ളാ​ണ് രേ​ഖ​പ്പെ​ടു​ത്തി​യ​ത്. വ​ഴി​ക്ക​ട​വ് ത​ണ്ണി​ക്ക​ട​വി​ലെ ബൂ​ത്തി​ലെ വോ​ട്ടു​ക​ളാ​ണ് ആ​ദ‍്യം എ​ണ്ണു​ക.