പയമ്പ്ര:പൊയിൽ താഴത്ത് പ്രവ ർത്തിക്കുന്ന പയമ്പ്ര ഗവ.. വെൽഫയർ എൽ. പി. സ്കൂൾ കുട്ടികളും അധ്യാപകരും വായനശാല സന്ദർശിച്ചു. വായനശാലയെ അടുത്തറിയുകയും, ഭാരവാഹികളെ പരിചയപ്പെടുകയും പുസ്തകങ്ങളെക്കുറിച്ച് കേട്ടും കണ്ടും ബോധ്യം വരികയും, വായനശാല ഭാരവാഹികളോട് ചോദ്യങ്ങൾ ചോദിച്ച് സംശയ നിവാരണം നടത്തുകയും ചെയ്തു.

ചടങ്ങിൽകെ. സി. ഭാസ്കരൻ മാസ്റ്റർ അധ്യക്ഷനായി. പ്രധാന അധ്യാപിക. ജയശ്രീ വി. വി. ഉദ്ഘാടനം നടത്തി. അധ്യാപിക മാരായ ഷൂബ മനോജ്‌, സ്വപ്ന എന്നിവർ സംസാരിച്ചു. എഴുത്തുകാരനായ മാധവൻ പയമ്പ്ര, ബാലകൃഷ്ണൻ മാസ്റ്റർ, അനിഷ സുദേഷ്, ശ്രീനിവാസൻ നായർ എന്നിവർ സംസാരിച്ചു. സെക്രട്ടറിയും കുട്ടികളും പാട്ടുകൾ പാടുകയും കഥകൾ പറയുകയും ചെയ്തു. ഭാരവാഹികൾ മധുരവും, ചായ പലഹാരങ്ങളും നൽകി യാണ്‌ കുട്ടികളെ സ്വീകരിച്ചത്.