തിരുവമ്പാടി:-തിരുവമ്പാടി സ്വദേശി സൗദി അറേബ്യയിൽ വാഹനാപകടത്തിൽ മരിച്ചു. പോലീസ് സ്റ്റേഷന് മുൻവശം താമസിക്കുന്ന സ്രാമ്പിക്കൽ (തണൽ) മുസ്തഫ (46) ആണ് സൗദി അറേബ്യയിലെ തായിഫിന് സമീപം ളുൽമിലുണ്ടായ വാഹനാപകടത്തിൽ മരിച്ചതായി ബന്ധുക്കൾക്ക് വിവരം ലഭിച്ചത്
പരേതരായ സ്രാമ്പിക്കൽ ഇമ്പിച്ചാലി - ആച്ചുമ്മ ദമ്പതികളുടെ മകനാണ് മരിച്ച മുസ്തഫ. റുബീന, ഹൈറുന്നിസ എന്നിവരാണ് സഹോദരിമാർ.
മൃതദേഹം നാട്ടിലേക്ക് കൊണ്ടുവരുന്നതിനുള്ള നടപടിക്രമങ്ങൾ ആരംഭിച്ചതായി സദ് വ (സൗദി അറേബ്യ ഡ്രൈവേഴ്‌സ് വെൽഫെയർ അസോസിയേഷൻ) ഭാരവാഹികൾ അറിയിച്ചു.