മാനന്തവാടി: ആറാട്ടുതറ ചെറിയ പാലത്തിന് താഴെ പുഴയിൽ കാണാതായ യുവാവിന്റെ മൃതദേഹം കണ്ടെത്തി. പാലത്തിന് സമീപത്തായി കമ്മന താമസിക്കുന്ന പയ്യപ്പള്ളി പൗലോസ് (ബാബു) ന്റെ മകൻ അതുൽ പോൾ (19) ആണ് ഇന്നലെ വൈകീട്ട് ഏഴ് മണിയോടെ പുഴയിൽ അകപ്പെട്ടത്.

പുഴയിലകപ്പെട്ടയുടൻ രക്ഷപ്പെടുത്താൻ ശ്രമിചെങ്കിലും അതുൽ ചുഴിയിൽപ്പെട്ട് താഴ്ന്ന് പോകുകയായിരുന്നുവെന്ന് നാട്ടുകാർ പറഞ്ഞു. രാത്രി വൈകിയും അഗ്‌നി രക്ഷാസേനാംഗങ്ങൾ തിരച്ചിൽ തുടർന്നെങ്കിലും അതുലിനെ കണ്ടെത്താൻ കഴിഞ്ഞില്ല. പ്രതികൂല കാലാവസ്ഥയും, ഇരുട്ടും തിരച്ചിലിനെ പ്രതികൂ ലമായി ബാധിച്ചിരുന്നു. ഫയർഫോഴ്‌സും എൻ.ഡി. ആർ.എഫ് സംഘവും ചേർന്ന ഇന്ന് രാവിലെ വീണ്ടും തിരച്ചിൽ തുടങ്ങി യിരുന്നു അൽപസമയം മുമ്പാണ് യുവാവിൻ്റെ മൃതദേഹം കണ്ടത്തിയത്.