തൃശൂര്‍: പെട്രോള്‍ പമ്പില്‍ നിര്‍ത്തിയിട്ട ബസിന് തീപിടിച്ചു. മാള പുത്തന്‍ചിറ മങ്കിടി ജംഗ്ഷനിലെ പി.സി.കെ. പെട്രോള്‍ പമ്പിലാണ് അപകടമുണ്ടായത്. ബ സ് പൂര്‍ണമായി കത്തി നശിച്ചു. അതേസമയം തീ വ്യാപകമായി പടരാതിരുന്നത് വന്‍ ദുരന്തം ഒഴിവാക്കി. ആറു ബസ്സുകളാണ് അപകട സമയത്ത് ഇവിടെ പാര്‍ക്ക് ചെയ്തിരുന്നത്.
ബസ് നിര്‍ത്തിയതിന് തൊട്ടടുത്താണ് പെട്രോള്‍ പമ്പിന്റെ ഓഫിസ് മുറി. തീ അവിടേക്ക് ചെറുതായി പടര്‍ന്നെങ്കിലും വലിയ നാശനഷ്ടങ്ങളുണ്ടായിട്ടില്ല. രാത്രി സമീപത്ത് കൂടെ പോയ യാത്രക്കാരാണ് തീ കണ്ടത്. ഉടന്‍ അഗ്‌നിശമനസേന എത്തി അണയ്ക്കാനുള്ള ശ്രമം ആരംഭിച്ചു. തീപിടിക്കാനുള്ള കാരണം ഇതുവരെ കണ്ടെത്തിയിട്ടില്ല