കു​ന്ദ​മം​ഗ​ലം: ദേ​ശീ​യ​പാ​ത​യി​ൽ പ​ട​നി​ലം കു​മ്മ​ങ്ങോ​ട് വ​ള​വി​ൽ ശു​ചി​മു​റി മാ​ലി​ന്യം ത​ള്ളാ​ൻ എ​ത്തി​യ സം​ഘ​ത്തെ പൊ​ലീ​സ് പി​ന്തു​ട​ർ​ന്ന് പി​ടി​കൂ​ടി. തി​ങ്ക​ളാ​ഴ്ച പു​ല​ർ​ച്ച ഒ​ന്ന​ര​ക്കാ​ണ് സം​ഭ​വം. വെ​സ്റ്റ്ഹി​ൽ ശാ​ന്തി ന​ഗ​ർ സ്വ​ദേ​ശി​ക​ളാ​യ വി​നോ​ദ് കു​മാ​ർ (37), സു​ബീ​ഷ് (40), രാ​ജു (31), ഹ​ർ​ഷാ​ദ് (25) എ​ന്നി​വ​രെ​യാ​ണ് കു​ന്ദ​മം​ഗ​ലം പൊ​ലീ​സ് പി​ടി​കൂ​ടി​യ​ത്.

ഒ​ന്ന​ര​മ​ണി​യോ​ടെ പ​ട​നി​ലം ഭാ​ഗ​ത്ത് മാ​ലി​ന്യം ത​ള്ളു​ന്ന​താ​യി നാ​ട്ടു​കാ​ർ അ​റി​യി​ച്ച​തി​ന്റെ അ​ടി​സ്ഥാ​ന​ത്തി​ൽ എ​സ്.​ഐ ഉ​മ്മ​ർ, സി.​പി.​ഒ മു​ഹ​മ്മ​ദ് ഷ​മീ​ർ, ഹോം ​ഗാ​ർ​ഡ് ച​ന്ദ്ര​ൻ എ​ന്നി​വ​ർ സം​ഭ​വ​സ്ഥ​ല​ത്തേ​ക്ക് പോ​കു​ന്ന സ​മ​യ​ത്താ​ണ് ടാ​ങ്ക​ർ ലോ​റി ശ്ര​ദ്ധ​യി​ൽ​പെ​ട്ട​ത്. വാ​ഹ​ന​ത്തി​ന് കൈ​കാ​ട്ടി​യെ​ങ്കി​ലും നി​ർ​ത്താ​തെ പോ​യി. പി​ന്തു​ട​ർ​ന്ന് വാ​ഹ​നം പി​ടി​കൂ​ടാ​ൻ ശ്ര​മി​ച്ചെ​ങ്കി​ലും അ​തി​വേ​ഗ​ത്തി​ൽ ന​രി​ക്കു​നി ഭാ​ഗ​ത്തേ​ക്ക് ഓ​ടി​ച്ചു​പോ​കു​ക​യാ​യി​രു​ന്നു. തു​ട​ർ​ന്ന് ക​ൺ​ട്രോ​ൾ റൂം ​വാ​ഹ​ന​ത്തി​ലു​ള്ള പൊ​ലീ​സു​കാ​രെ കു​ന്ദ​മം​ഗ​ലം പൊ​ലീ​സ് വി​വ​ര​മ​റി​യി​ച്ചു.

ലോ​റി പി​ടി​കൂ​ടാ​ൻ ശ്ര​മി​ക്കു​ന്ന​തി​നി​ടെ പ​ല​ത​വ​ണ പൊ​ലീ​സ് വാ​ഹ​ന​ത്തി​ൽ ലോ​റി ഇ​ടി​ക്കാ​ൻ ശ്ര​മി​ച്ചു. ക​ൺ​ട്രോ​ൾ റൂം ​വാ​ഹ​ന​ത്തെ​യും ലോ​റി ഇ​ടി​ച്ചു. ലോ​റി​ക്ക് എ​സ്കോ​ർ​ട്ട് വ​ന്ന കാ​ർ പൊ​ലീ​സ് വാ​ഹ​ന​ത്തി​ന് ത​ട​സ്സ​മാ​യി​നി​ന്ന് ടാ​ങ്ക​ർ ലോ​റി​യെ ര​ക്ഷി​ക്കാ​ൻ ശ്ര​മി​ച്ചു. ഈ ​കാ​റും പൊ​ലീ​സ് വാ​ഹ​ന​ത്തെ ഇ​ടി​ക്കാ​ൻ ശ്ര​മി​ച്ചി​രു​ന്നു. തു​ട​ർ​ന്ന് കാ​റി​ലു​ണ്ടാ​യി​രു​ന്ന ര​ണ്ടു​പേ​രെ ബ​ല​പ്ര​യോ​ഗ​ത്തി​ലൂ​ടെ പൈ​മ്പാ​ല​ശ്ശേ​രി വെ​ച്ച് പൊ​ലീ​സ് കീ​ഴ​ട​ക്കു​ക​യാ​യി​രു