രാജ്യത്തെ എല്ലാ ഡ്രൈവിംഗ് ലൈസൻസ് ഉടമകളോടും രജിസ്റ്റർ ചെയ്ത വാഹന ഉടമകളോടും ആധാർ ഒതന്‍റിഫിക്കേഷൻ പ്രക്രിയയിലൂടെ അവരുടെ മൊബൈൽ നമ്പറുകൾ ഉടൻ ലിങ്ക് ചെയ്യുകയോ അപ്ഡേറ്റ് ചെയ്യുകയോ ചെയ്യണമെന്ന് അഭ്യർത്ഥിച്ച് റോഡ് ഗതഗത മന്ത്രാലയം. മികച്ച ആശയവിനിമയവും ഗതാഗത സംബന്ധിയായ സേവനങ്ങളിലേക്കുള്ള മികച്ച ആക്സസും ഉറപ്പാക്കാൻ ആധാർ ഒതന്‍റിഫിക്കേഷൻ പ്രക്രിയയിലൂടെ ഈ പ്രക്രിയ പൂർത്തിയാക്കണം. രജിസ്റ്റർ ചെയ്ത വാഹനം അവരുടെ മൊബൈൽ നമ്പറുകളുമായി ബന്ധിപ്പിക്കുന്നതും അവരുടെ ആധാർ നമ്പറുകളുമായി പ്രാമാണീകരിക്കുന്നതും നിർബന്ധമാണെന്ന് മന്ത്രാലയം വ്യക്തമാക്കി. ഏതെങ്കിലും ഗതാഗത അല്ലെങ്കിൽ ഡ്രൈവിംഗ് ലൈസൻസുമായി ബന്ധപ്പെട്ട സേവനങ്ങൾ ഉപയോഗിക്കുന്നതിന് ഇത് ആവശ്യമാണ്.