താമരശ്ശേരി :ഗോൾഡൻ ജൂബിലി യുടെ നിറവിൽ നിൽക്കുന്ന ചമൽ നിർമ്മല യു.പി സ്കൂളിൽ തിരികെ തിരുമുറ്റത്തേക്ക് എന്ന പേരിൽ പൂർവ അധ്യാപക- അനധ്യാപക സമ്മേളനം സംഘടിപ്പിച്ചു. 1976 ൽ ചമൽ നിവാസികളുടെ വിദ്യാഭ്യാസ ഉന്നമതിക്കായി പള്ളിയോട് ചേർന്ന് പള്ളിക്കൂടം തീർത്തുകൊണ്ട് തുടങ്ങിയ സ്കൂൾ ഇന്നുംഅഭിമാനത്തോടെ അതിൻറെ ജൈത്രയാത്ര തുടരുകയാണ്. പൂർവ്വ അധ്യാപക അനധ്യാപന സമ്മേളനം സ്കൂൾ മാനേജർ റവ ഫാ : ജിന്റോ വരകിൽ ഉദ്ഘാടനം ചെയ്തു. സ്കൂളിനെ അതിന്റെ വളർച്ചയിൽ വഴി നടത്തിയപ്രധാന അധ്യാപകരായിരുന്ന വി. വി മാണി,.എൻ .വി എബ്രഹാം, അഗസ്റ്റിൻ ജോർജ് മഠത്തി പറമ്പിൽ, സൂസമ്മ പി. സി.എന്നിവർ മുഖ്യപ്രഭാഷണം നടത്തി. 1976 ലെ ആദ്യത്തെ അധ്യാപകൻ വി സി ഉലഹന്നാൻ, 37 വർഷം നിർമലയിൽ സേവനം അനുഷ്ഠിച്ച അബ്ദുൽ റഷീദ് തുടങ്ങിയവർ ആശംസകൾ അർപ്പിച്ചു. തിരികെ തിരുമുറ്റത്തേക്ക് എന്ന പൂർവ അധ്യാപക അനധ്യാപക സമ്മേളനത്തിൽ പിടിഎപ്രസിഡൻറ് ഹാസിഫ് പി അധ്യക്ഷത വഹിച്ചു. ഹെഡ്മിസ്ട്രസ് ജിസ്‌ന ജോസ് സ്വാഗതമാശംസിച്ച ചടങ്ങിന് സീനിയർ അസിസ്റ്റൻറ്.ഷൈനി പി.എ. നന്ദി പറഞ്ഞു.