ലക്ഷത്തോടടുത്ത് സ്വർണവില. ഇന്ന് പവന് 2,840 രൂപ കൂടി 97,360 രൂപയായി. ഗ്രാമിന് 355 രൂപ കൂടി 12,170 രൂപയായി. 17 ദിവസം കൊണ്ട് 10,360 രൂപയാണ് കൂടിയത്. ഗ്രാമിനു വില 12,000 കടന്നതും ആദ്യമായാണ്. 10 ശതമാനം പണിക്കൂലിയിൽ ഒരു പവന്റെ ആഭരണത്തിന് ഒരുലക്ഷത്തിലേറെ രൂപ നൽകണം.

9736 രൂപയാണ് 10 ശതമാനം പണിക്കൂലിയായി നൽകേണ്ടത്. സ്വർണ വിലയോടൊപ്പം ഹാൾമാർക്കിങ് ചാർജായ 53 രൂപയും (45 രൂപ+ 18% ജിഎസ്ടി) മൂന്ന് ശതമാനം ജിഎസ്‌ടിയും അടങ്ങുന്നതാണ് സ്വർണാഭരണത്തിന്റെ വില. ഇന്നത്തെ നിരക്കിൽ ഒരു പവന്റെ ആഭരണത്തിന് ഒരുലക്ഷത്തിലേറെ രൂപയാണ് നൽകേണ്ട തുക.