അബുദബി ബി​ഗ് ടിക്കറ്റ് നറുക്കെടുപ്പിൽ വിജയികളായ അഞ്ച് പേർക്ക് 250 ​ഗ്രാം 24 കാരറ്റ് സ്വർണം സമ്മാനമായി ലഭിച്ചു. ഈ ആഴ്ചയിലെ വിജയികൾക്കാണ് സമ്മാനം ലഭിച്ചിരിക്കുന്നത്. യുഎഇ, ഇന്ത്യ, ബം​ഗ്ലാദേശ്, ശ്രീലങ്ക സ്വദേശികളാണ് നറുക്കെടുപ്പിൽ വിജയികളായത്. ഇന്ത്യൻ സ്വദേശികളായ രണ്ട് പേരും മലയാളികളാണ്.
യുഎഇയിൽ 19 വർഷമായി താമസിക്കുന്ന മലയാളി മെക്കാനിക്കൽ എഞ്ചിനീയർ അജിത്ത് സാമുവൽ ബി​ഗ് ടിക്കറ്റ് നറുക്കെടുപ്പിൽ വിജയം സ്വന്തമാക്കി. 44കാരനായ അജിത്ത് വ‍ർഷങ്ങളായി ബി​ഗ് ടിക്കറ്റ് എടുക്കുന്നയാളാണ്. ഐടി പ്രൊഫഷണൽ വിബിൻ വാസുദേവനാണ് ബി​ഗ് ടിക്കറ്റ് നറുക്കെടുപ്പിൽ വിജയിയായ മറ്റൊരു മലയാളി. ദുബായിൽ 10 വർഷമായി താമസിക്കുകയാണ് വിബിൻ വാസുദേവൻ.

ദുബായിൽ നാല് വർഷമായി താമസിക്കുന്ന 24കാരനായ ബംഗ്ലാദേശ് പ്രവാസി മൻസൂർ അഹമ്മദും ബി​ഗ് ടിക്കറ്റ് നറുക്കെടുപ്പിൽ വിജയിയായി. ആദ്യമായിട്ടാണ് മൻസൂർ ബി​ഗ് ടിക്കറ്റ് വാങ്ങുന്നത്. ശ്രീലങ്കൻ സ്വദേശിയായ മുഹമ്മദ് നളീമാണ് ബി​ഗ് ടിക്കറ്റ് നറുക്കെടുപ്പിലെ ഒരു വിജയി. 63 വയസുകാരനായ നളീം കഴിഞ്ഞ 19 വർഷമായി സൗദി അറേബ്യയിലാണ് താമസിക്കുന്നത്. അബുദബി സ്വദേശിയായ 39കാരനാണ് യുഎഇയിൽ നിന്ന് ബി​ഗ് ടിക്കറ്റ് നറുക്കെടുപ്പിൽ വിജയം സ്വന്തമാക്കിയത്. അബുദബിയിൽ സർക്കാർ ജീവനക്കാരനായ ഇദ്ദേഹം 2023-ൽ മുതൽ ബി​ഗ് ടിക്കറ്റ് വാങ്ങുന്ന വ്യക്തിയാണ്