പേരാമ്പ്ര: കായണ്ണയിൽ എട്ടാംക്ലാസ് വിദ്യാർഥിയെ മുഖംമൂടി ധരിച്ച് ബൈക്കിലെത്തിയവർ തട്ടിക്കൊണ്ടുപോകാൻ ശ്രമിച്ച തായി പരാതി. രണ്ടംഗ സംഘമാണ് തട്ടിക്കൊണ്ടുപോകാൻ ശ്രമിച്ചതെന്ന് വിദ്യാർഥിപറഞ്ഞു .ഇന്നലെ വൈകുന്നേരം അഞ്ച് മണിയോടെയാണ് സംഭവം. പേരാമ്പ്ര പൊലീസ് അന്വേഷണം തുടങ്ങി.
കളി കഴിഞ്ഞു വരികയായിരുന്ന വിദ്യാർഥിയെ സംഘം ലിഫ്റ്റ് വേണോ എന്ന് ചോദിച്ചു സമീപ്പിച്ചതായും നിരസിച്ചതിനെ തുടർന്ന് വണ്ടിയിലേക്ക് വലിച്ചു കയറ്റാൻ ശ്രമിച്ചതായും വിദ്യാർഥി പറഞ്ഞു. ഇതിനിടെ സമീപത്ത് ഓട്ടോറിക്ഷ നിർത്തിയതോടെ സംഘം ശ്രമം ഉപേക്ഷിച്ച് കടന്നു കളഞ്ഞു.പിടിച്ചു കയറ്റാൻ ശ്രമിക്കുന്നതിനിടെ വിദ്യാർഥിക്ക് പരിക്കേറ്റു."