കൊയിലാണ്ടി: പേരാമ്പ്ര പൊലീസ് സ്റ്റേഷനിൽ പോലീസുകാരുമായുള്ള സംഘർഷത്തിൽ റിമാൻഡിൽ കഴിയുന്ന യൂത്ത് കോൺഗ്രസ് സംസ്ഥാന ജനറൽ സെക്രട്ടറി വി.പി ദുൽഖിഫിലിനെ വിയ്യൂർ സെൻട്രൽ ജയിലിലേക്ക് മാറ്റി. പോലീസ് കള്ള കേസെടുത്തതാണെന്ന് ആരോപിച്ച് കൊയിലാണ്ടി സബ് ജയിലിൽ ഉപവാസം ആരംഭിച്ചതിനെ തുടർന്നാണ് നടപടി. ഇന്ന് പുലർച്ചെ പന്ത്രണ്ടരയോട് കൂടിയാണ് വിയ്യൂർ സെൻട്രൽ ജയിലിലേക്ക് മാറ്റിയത്.
പേരാമ്പ്രയില്‍ പൊലീസും യു.ഡി.എഫ് പ്രവര്‍ത്തകരും തമ്മിലുണ്ടായ സംഘര്‍ഷവുമായി ബന്ധപ്പെട്ട് യൂത്ത് ലീഗ് പ്രവര്‍ത്തകരെ പോലീസ് അറസ്റ്റ് ചെയ്തിരുന്നു. ഇതില്‍ പ്രതി ഷേധിച്ച് സ്റ്റേഷനിൽ എത്തിയതായിരുന്നു യൂത്ത് ലീഗ് പ്രവര്‍ത്തകരായ ദുല്‍ഖിഫിലും മിസ്ഹബ് കീഴരിയൂരും. സ്റ്റേഷനില്‍ ഇവരെ തടഞ്ഞ പൊലീസുകാരെ ഇവർ ആക്രമിച്ചെന്നാണ് കേസ്.
വീട് കയറിയുള്ള പോലീസിന്റെ റെയ്ഡ് അവസാനിപ്പിക്കണമെന്ന് ആവശ്യപ്പെട്ടുകൊണ്ടാണ് ദുൽഖിഫിൽ ജയിലിൽ ഉപവാസം ആരംഭിച്ചത്.