ഗുണ്ടൽപേട്ട്: കടുവയെ ട്രാക്ക് ചെയ്യാൻ എത്തിച്ച ആന ന​ഗരത്തിലിറങ്ങിയത് പരിഭ്രാന്തി പരത്തി. പ്രാണികളുടെ കടിയേറ്റതിനെ തുടർന്ന് ആന പരിഭ്രാന്തനായി ഓടുകയായിരുന്നു. കർണാടകയിലെ ചാമരാജനഗർ ജില്ലയിലാണ് സംഭവം.

ഗുണ്ടൽപേട്ടിലെ കല്ലഹള്ളിക്ക് സമീപം കടുവയെ ട്രാക്ക് ചെയ്യാനായി എത്തിച്ച പ്രത്യേക പരിശീലനം ലഭിച്ച ആനയാണ് നാട്ടുകാരെ ഭീതിയിലാഴ്ത്തിയത്. ന​ഗരത്തിന്റെ പ്രധാന ഭാ​ഗങ്ങളിലും ബസ് ഡിപ്പോകളിലും ആന പ്രവേശിച്ചു. തിരക്കേറിയ ഒരു ബസ് ഡിപ്പോയിലൂടെ ആന നടന്ന് നീങ്ങുന്നതിന്റെ വീഡിയോകൾ സമൂഹ മാധ്യമങ്ങളിൽ വ്യാപകമായി പ്രചരിക്കുന്നുണ്ട്. ആനയെ കണ്ടതോടെ വാഹനം ഓടിച്ചവരും പൊതുജനങ്ങളും പരിഭ്രാന്തിയിലായി.