പരപ്പനങ്ങാടി: ചാപ്പപ്പടി ഹാർബറിന് സമീപം കല്ലുമ്മക്കായ ശേഖരിക്കാനിറങ്ങി കടലിൽ കാണാതായ യുവാവ് മരിച്ചു. പരപ്പനങ്ങാടി കൊടപ്പാളി മണ്ണാറ സ്വദേശി വലിയ പീടിയേക്കൽ അബ്ദുറഹ്മാന്റെ മകൻ ജലീൽ (29) ആണ് മരിച്ചത്. ഇന്ന് ഞായറാഴ്ച ഉച്ചയോടെയാണ് കാണാതായത്. മത്സ്യ തൊഴിലാളികളും മറ്റും നടത്തിയ തിരച്ചിലിൽ ജലീലിനെ വെള്ളത്തിൽ നിന്ന് കണ്ടെടുത്തെങ്കിലും ജീവൻ രക്ഷിക്കാനായില്ല.