മാനന്തവാടി: ഇൻസ്റ്റഗ്രാം വഴി പരിചയപ്പെട്ട് പ്രണയം നടിച്ച്
യുവതിയുടെ ചിത്രങ്ങൾ കൈക്കലാക്കി സുഹൃത്തുക്കൾക്ക് അയച്ചുനൽകിയ കേസിൽ 19-കാരനെ മാനന്തവാടി പോലീസ് അറസ്റ്റ് ചെയ്തു. മലപ്പുറം എടപ്പാൾ വട്ടംകുളം പുതൃകാവിൽ വീട്ടിൽ പി. സഹദ് (19) ആണ് പിടിയിലായത്. വിവാഹവാഗ്ദാനം നൽകി സ്വകാര്യ ചിത്രങ്ങൾ കൈക്കലാക്കിയ ശേഷം, യുവതി ഇയാളെ ഇൻസ്റ്റഗ്രാമിൽ അൺഫോളോ ചെയ്‌തതിലുള്ള വിരോധത്തിലാണ് ചിത്രങ്ങൾ മറ്റുള്ളവർക്ക് അയച്ചുനൽകിയത്. മൊബൈൽ ടെക്നീഷൻ കോഴ്സ് പഠിച്ച പ്രതി, റിപ്പയർ ചെയ്യാൻ ലഭിച്ച ഫോണിലെ സിം കാർഡ് ഉടമയറിയാതെ ഉപയോഗിച്ചാണ് നാല് വ്യാജ ഇൻസ്റ്റഗ്രാം ഐഡികൾ നിർമ്മിച്ചതെന്ന് പോലീസ് കണ്ടെത്തി.