പാലക്കാട്: യുവാവിനെ ട്രെയിൻ തട്ടി മരിച്ച നിലയിൽ കണ്ടെത്തി. ഷൊർണൂർ പാലക്കാട് റെയിൽവേ ട്രാക്കിൽ ഒറ്റപ്പാലം മാനന്നൂർ റെയിൽവേ സ്റ്റേഷനുകൾക്കിടയിലായി ചോറോട്ടൂർ പ്രദേശത്താണ് യുവാവിന്റെ മൃതദേഹം കണ്ടെത്തിയത്.

ഇന്ന് രാവിലെ എട്ടുമണിയോടെ പ്രദേശവാസിയാണ് മൃതദേഹം ആദ്യം കണ്ടത്. ഉടൻ തന്നെ ഒറ്റപ്പാലം പൊലീസിനെ വിവരമറിയിച്ചു. പൊലീസ് എത്തി മേൽ നടപടികൾ സ്വീകരിച്ച് മൃതദേഹം ഒറ്റപ്പാലം താലൂക്ക് ആശുപത്രിയിലേക്ക് മാറ്റി. ഏകദേശം 25 വയസ് മാത്രം പ്രായം തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയത്. ആളെ തിരിച്ചറിഞ്ഞിട്ടില്ല.