സുൽത്താൻ ബത്തേരി: വിൽപ്പനക്കും ഉപയോഗത്തിനുമായി കൊണ്ടുവന്ന കഞ്ചാവും മെത്തഫിറ്റമിനുമായി ബാംഗ്ലൂർ സ്വദേശി പിടിയിൽ. മായനദ്ധ നഗർ എൽ. ആകാശ് (23) ആണ് അറസ്റ്റിലായത്. മുത്തങ്ങ പോലീസ് ചെക്ക്പോസ്റ്റിന് സമീപം ജില്ലാ ലഹരി വിരുദ്ധ സ്ക‌്വാഡും ബത്തേരി പോലീസും ചേർന്ന് നടത്തിയ വാഹന പരിശോധനയിലാണ് ഇയാൾ കുടുങ്ങിയത്. കർണാടകയിൽ നിന്നും കെ.എ 46 എം 9295 നമ്പറിലുള്ള കാറിൽ വരികയായിരുന്ന ഇയാളുടെ അരയിൽ ഒളിപ്പിച്ച നിലയിലായിരുന്നു മയക്കുമരുന്ന്. 17.77 ഗ്രാം കഞ്ചാവും, 0.44 ഗ്രാം മെത്തഫിറ്റമിനുമാണ് ഇയാളിൽ നിന്നും പിടിച്ചെടുത്തത്. എസ്.ഐ ജെസ്വിൻ ജോയ്, സി.പി.ഓമാരായ കെ.കെ. അനിൽ, സിജോ ജോസ്, പ്രദീപൻ എന്നിവരടങ്ങിയ സംഘമാണ് പ്രതിയെ പിടികൂടിയത്.