തിരുവനന്തപുരം: കേരളത്തില്‍ സ്വര്‍ണവിലയില്‍ ഇന്ന് വര്‍ധനവ്. ഈ മാസം ആദ്യം മുതല്‍ കൂടി നിന്ന സ്വര്‍ണവില ഇന്നലെയാണ് അല്‍പ്പമൊന്ന് താഴ്ന്നത്. ഇന്നലെ 600 രൂപയുടെ കുറവുണ്ടായെങ്കിലും ഇന്നിതാ വില വര്‍ധിച്ചിരിക്കുകയാണ്. 160 രൂപയുടെ വര്‍ധനവാണ് ഇന്ന് ഉണ്ടായിരിക്കുന്നത്.സ്വര്‍ണത്തിന് വില കുറയുമെന്ന പ്രതീക്ഷ വേണ്ടെന്നാണ് സാമ്പത്തിക വിദഗ്ധര്‍ പറയുന്നത്. ഭൗമരാഷ്ട്രീയ രംഗത്തുളള തര്‍ക്കങ്ങളും അനിശ്ചിതാവസ്ഥയും എല്ലാംതന്നെ വിലവര്‍ധനയ്ക്കുളള കാരണമാണ്. ജനുവരി 14 ന് സ്വര്‍ണം എക്കാലത്തെയും ഉയര്‍ന്ന വിലയായ 4,648 ഡോളറില്‍ എത്തിയിരുന്നു.

105,160 രൂപയാണ് 22 കാരറ്റ് ഒരു പവന്‍ സ്വര്‍ണത്തിന്റെ ഇന്നത്തെ വില. ഇന്നലെ 105,000 രൂപയായിരുന്നു വിപണിവില. 160 രൂപയുടെ വര്‍ധനവാണ് ഇന്ന് ഉണ്ടായിരിക്കുന്നത്. ഗ്രാമിന് 20 രൂപ കൂടി 13145 രൂപയില്‍ എത്തി നില്‍ക്കുകയാണ്. അതേസമയം 18 കാരറ്റ് ഒരു ഗ്രാം സ്വര്‍ണത്തിന് 10895 രൂപയും പവന് 87,160 രൂപയുമാണ്. ഇന്നലെ 18 കാരറ്റ് ഒരു പവന് 85, 912 രൂപയായിരുന്നു. വെളളിയുടെ വിലയില്‍ ഇന്ന് അല്‍പ്പം കുറവുണ്ട്. ഒരു ഗ്രാം വെള്ളിക്ക് ഇന്ന് 292 രൂപയും 10 ഗ്രാമിന് 2920 രൂപയുമാണ് ഇന്നത്തെ വില. ഇന്നലെ ഒരു ഗ്രാമിന് 295 രൂപയായിരുന്നു