തിരുവനന്തപുരം:ഇന്നലെ കുറഞ്ഞ സ്വർണ വില ഇന്ന് വീണ്ടും കൂടി. ഗ്രാമിന് 495 രൂപയാണ് കൂടിയത്. ഇതോടെ ഒരു ​ഗ്രാം സ്വർണത്തിന് 14,640 രൂപയായി. ചരിത്രത്തിലാധ്യമായാണ് ഒരു ​ഗ്രാമിന് ഇത്രയും വില രേഖപ്പെടുത്തുന്നത്.

പവന് 3960 രൂപയാണ് ഒറ്റയടിക്ക് കൂടിയത്. ഒരു പവന് 1,17,120 രൂപയിലാണ് വ്യാപാരം പുരോ​ഗമിക്കുന്നത്. സംസ്ഥാനത്ത് ഇന്ന് 24 കാരറ്റ് സ്വർണ്ണത്തിന്റെ വില (1 ഗ്രാം) 15,971 രൂപയും 18 കാരറ്റ് സ്വർണ്ണത്തിന്റെ വില (1 ഗ്രാം) 11,978 രൂപയുമാണ്.
വില കൂടിയാലും കുറഞ്ഞാലും സ്വർണത്തെ സുരക്ഷിത നിക്ഷേപമായാണ് കേരള ജനത എന്നും കാണുന്നത്. നിക്ഷേപ മൂല്യം എന്നതിലുപരി സ്വർണത്തെ ആഭരണങ്ങളായും നാണയങ്ങളായും കൈവശം വെയ്ക്കാൻ ആളുകൾ താത്പര്യപ്പെടുന്നു. സ്വർണത്തിന്റെ രാജ്യാന്തര വില, ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വർണ വില നിർണയിക്കപ്പെടുന്നത്.