കോഴിക്കോട്: സ്കൂളുകള് കേന്ദ്രീകരിച്ച് സംസ്ഥാനത്ത് ലഹരി വില്പന വ്യാപകമാവുന്നു എന്ന് തെളിയിക്കുന്ന ഒരു സംഭവം കൂടി. കോഴിക്കോട് ജില്ലയില് 42 കിലോ കഞ്ചാവുമായി പിടിയിലായ യുവാവ് നല്കിയ മൊഴി ഇതാണ് വ്യക്തമാക്കുന്നത്.
കോഴിക്കോട് മുണ്ടിക്കല് താഴം പട്ടാള മുക്കില് 42കിലോ കഞ്ചാവുമായി യുവാവ് പിടിയിലാവുന്നത്. ഓമശ്ശേരി സ്വദേശി പുറയില് ജംഷീര് ആണ് ഡാന്സാഫിന്റെ പിടിയിലായത്. ഒഡിഷയില് നിന്നും വില്പനക്കായി എത്തിച്ചതായിരുന്നു ഇയാളുടെ കൈവശമുള്ള കഞ്ചാവ്. വിദ്യാര്ഥികളെ ലക്ഷ്യം വെച്ചാണ് കഞ്ചാവ് കൊണ്ടുവന്നതാണെന്ന് പ്രതി മൊഴി നല്കിയിട്ടുണ്ട്.കാറിന്റെ ഡിക്കിയില് ഒളിപ്പിച്ച നിലയിലായിരുന്നു കഞ്ചാവ്.
നേരത്തെ നാല് കിലോ കഞ്ചാവ് പിടികൂടിയ കേസില് ഇയാള് അറസ്റ്റിലായിരുന്നു. ഈ കേസില് ജാമ്യത്തിലിറങ്ങിയതിന് പിന്നാലെയാണ് വീണ്ടും കഞ്ചാവുമായി പിടിയിലായത്. ഇന്നലെ രാത്രിയാണ് ഇയാളെ പിടികൂടിയത്. ഇയാള് സഞ്ചരിച്ച കാര് പൊലിസ് കസ്റ്റഡിയില് എടുത്തിട്ടുണ്ട്.