വാളാട്: വാളാട് ഗവ.ഹയർസെക്കൻഡറി സ്‌കൂളിലെ വിദ്യാർഥി സംഘർഷവുമായി ബന്ധപ്പെട്ട വിഷയത്തിൽ തലപ്പുഴ പോലീസ് കേസെടുത്തു. സ്കൂ‌ളിലെ ഒരു വിദ്യാർഥി നൽകിയ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. അഞ്ച് കുട്ടികൾക്കെതിരെയാണ് കേസെടുത്തത്. സ്കൂ ളിലെ ശൗചാലയത്തിൽ ജനുവരി 29ന് നടന്ന സംഭവത്തിന്റെ വീഡിയോ ദൃശ്യം ഓപ്പൺ ന്യൂസർ പുറത്ത് വിട്ടിരുന്നു. ശൗചാലയത്തിൽ ഒരു കുട്ടിയെ രണ്ടുവിദ്യാർഥികൾ മർദിക്കുന്നതും മറ്റു വിദ്യാർഥികൾ ഇതുകണ്ട് നൃത്തം ചെയ്യുകയും, രസിക്കുകയും ചെയ്യുന്നതാണ് വീഡിയോയിലുള്ളത്. എന്നാൽ വീഡിയോ സ്കൂളിലേതല്ലായെന്ന രീതിയിൽ പിറ്റിഎ പ്രസിഡന്റ് അടക്കമു ള്ളവർ തുടക്കത്തിൽ നിലപാട് സ്വീകരിച്ചെങ്കിലും പിന്നീട് യാഥാർത്ഥ്യം അംഗീകരിക്കുകയായിരുന്നു. സംഭവം വിവാദമായതോടെ അഞ്ച് കുട്ടിക ളുടെയും രക്ഷിതാക്കളെ വിളിച്ചു വരുത്തി ഇന്ന് അടിയന്തര പി.ടി.എ. കമ്മിറ്റി ചേർന്ന് വിഷയം ചർച്ചചെയ്യാൻ സ്‌കൂളധികൃതർ തീരുമാനിച്ചിട്ടുണ്ട്.