പാലക്കാട് : പാലക്കാട് ടൂറിസ്റ്റ് ബസും ലോറിയും കൂട്ടിയിടിച്ച് 18 പേർക്ക് പരിക്ക്. പാലക്കാട് - കോഴിക്കോട് ദേശീയപാതയിൽ പുതുപ്പരിയാരത്ത് ഇന്ന് പുലർച്ചെയായിരുന്നു അപകടം. പുതുപ്പരിയാരം എരുവിൽതോട് പാലത്തിൽ വെച്ച് ദിശ തെറ്റിച്ചെത്തിയ മിനിലോറി ടൂറിസ്റ്റ് ബസ്സിൽ ഇടിച്ചു കയറുകയായിരുന്നു.

മലപ്പുറം അരീക്കോട് നിന്ന് ക്ഷേത്രദർശനത്തിനായി പാലക്കാട്ടേക്ക് വരികയായിരുന്ന ടൂറിസ്റ്റ് ബസാണ് അപകടത്തിൽപ്പെട്ടത്. പരിക്കേറ്റവരിൽ 10 പേർ സ്ത്രീകൾ ഉണ്ട്. അപകടത്തിൽ ഗുരുതരമായി പരിക്കേറ്റ നാലുപേരെ തൃശൂർ മെഡിക്കൽ കോളേജ് ആശുപത്രിയിലേക്ക് മാറ്റി. കൈയ്ക്കും കാലിനും പരിക്കേറ്റ ചിലർ പാലക്കാട് ജില്ലാ ആശുപത്രിയിൽ ചികിത്സയിലാണ്